فوتو: Pixabay
رەسەي عىلىم اكادەمياسىنىڭ عارىشتىق زەرتتەۋلەر ينستيتۋتىنا قاراستى كۇن استرونومياسى زەرتحاناسىنىڭ مالىمەتىنشە, بەلسەندى ايماقتىڭ اسەرى جەرگە ەكى كۇننەن كەيىن سەزىلۋى مۇمكىن. ەگەر كۇندەگى بەلسەندىلىك ساقتالسا, بۇل گەوماگنيتتىك جاعدايعا ىقپال ەتەتىن جاڭا وزگەرىستەرگە اكەلۋى ىقتيمال.
باقىلاۋ دەرەكتەرىنە سايكەس, 10 مامىر كۇنى كۇندە C كلاسىنا جاتاتىن 11 ءالسىز جارىلىس تىركەلگەن. بۇعان دەيىن 7 مامىردا M كلاسىنا جاتاتىن ءىرى جارىلىس بولعان, بۇل كۇن بەلسەندىلىگىنىڭ ءالى دە جوعارى دەڭگەيدە ەكەنىن كورسەتەدى.
كۇن بەتىندە الاپات جارىلىس تۋدىرا الاتىن ەنەرگيا جيناقتالىپ جاتقان بولۋى مۇمكىن
ماماندار جاعدايدى ۇزدىكسىز باقىلاۋدا ۇستاپ وتىر جانە الداعى كۇندەرى كۇن بەلسەندىلىگىنىڭ وزگەرۋى مۇمكىن ەكەنىن جوققا شىعارمايدى.
كۇندەگى جارىلىستار رەنتگەن ساۋلەسىنىڭ قارقىندىلىعىنا قاراي A, B, C, M جانە X كلاستارىنا بولىنەدى. مۇنداي قۇبىلىستار جەردە ماگنيتتىك داۋىل تۋدىرىپ, ەنەرگەتيكالىق جۇيەلەردىڭ جۇمىسىنا, جانۋارلار ميگراتسياسىنا اسەر ەتۋى جانە پوليارلىق شۇعىلا ايماعىن كەڭەيتۋى مۇمكىن.
