فوتو: istockphoto.com
بيىل تۋعان ۇل بالالاردىڭ ىشىندە ەڭ كوپ قويىلعان ەسىم – الان. بۇل ەسىم 957 نارەستەگە بەرىلگەن. ەكىنشى ورىندا – ءاليحان (792 بالا), ءۇشىنشى ورىندا – مۇحاممەد (791 بالا). سونداي-اق ەڭ تانىمال ەر بالالار ەسىمدەرىنىڭ العاشقى وندىعىنا ايسۇلتان, الديار, حامزا, ومار, ءالتاير, مۇحامماد جانە ءامىر ەندى.
قىز بالالار اراسىندا ايلين ەسىمى ەڭ تانىمال اتاندى. بۇل ەسىم 1 744 نارەستەگە قويىلعان. ەكىنشى ورىنعا – اسىلىم (1 449 بالا), ءۇشىنشى ورىنعا – ءمادينا (1 234 بالا) جايعاستى. ەڭ كوپ تاڭدالعان قىز ەسىمدەرىنىڭ قاتارىندا توميريس, ايشا, ايالا, ماريام, سافيا, ايىم جانە ءاديا دا بار.
مەملەكەت باسشىسى حالىقارالىق بالالاردى قورعاۋ كۇنىمەن قۇتتىقتادى
ستاتيستيكادا ەرەكشە نازار اۋدارتقان تاعى ءبىر كورسەتكىش – سيرەك قويىلعان ەسىمدەر. جىل باسىنان بەرى كەيبىر ەسىمدەر تەك ءبىر عانا بالاعا بەرىلگەن.
قىز بالالار اراسىنداعى ەڭ سيرەك ەسىمدەر قاتارىنا يريسليقوي, جيزەل, ايليشا, ياراسلاۆا, بەگايىم, اقباتا, انارا, اشا, جانىلسىن جانە يۋلدۋززيو ەندى.
ال ۇل بالالارعا قويىلعان سيرەك ەسىمدەر قاتارىندا كامرانبەك, مۇحامەدين, يۋسۋفبەك, حاسانبوي, بەكتىلەس, رايىمحان, رۋزالي, ءال-ءالي, حاليللا جانە ياشار بار.
ەسكە سالايىق, ەلىمىزدە بالالاردى كيبەربۋللينگتەن قورعاۋ شارالارى كۇشەيتىلىپ جاتقانى تۋرالى حابارلاعان ەدىك.
