فوتو: Shwe Phee Myay
جەرگىلىكتى دەرەككوزدەردىڭ مالىمەتىنشە, قازا تاپقانداردىڭ اراسىندا 25 ايەل مەن 30 ەر ادام بار. اۋماقتى باقىلاۋدا ۇستاپ وتىرعان تاان ۇلتتىق ازاتتىق ارمياسى (TNLA) جارىلىسقا كەن ءوندىرۋ جانە تاس كارەرلەرىندە قولدانىلاتىن جارىلعىش زاتتاردىڭ تۇتانۋى سەبەپ بولعانىن مالىمدەدى. ۇيىمنىڭ حابارلاۋىنشا, وقيعا جەكسەنبى كۇنى جەرگىلىكتى ۋاقىت بويىنشا ساعات 12:00-دە بولعان.
TNLA تاراتقان مالىمدەمەدە جارىلىس سالدارىنان كوپتەگەن تۇرعىن قازا تاۋىپ, جاراقات العانى, سونداي-اق تۇرعىن ۇيلەردىڭ ب ۇلىنگەنى ايتىلعان. الايدا وقيعانىڭ ناقتى سەبەپتەرى تۋرالى تولىق اقپارات بەرىلگەن جوق.
تۇرعىنداردىڭ ايتۋىنشا, العاشقى ساتتە كوپشىلىك مۇنى اۋە شابۋىلى دەپ ويلاعان. قازا بولعانداردىڭ اراسىندا بالالار دا بار. سونىمەن قاتار جۇزدەگەن ۇيگە زاقىم كەلگەن.
جارىلىستان كەيىنگى كورىنىستى تۇرعىندار ۇرەي مەن قايعىعا تولى جاعداي رەتىندە سيپاتتايدى. كوبى جاقىندارىن ىزدەپ, اتا-انالارىن شاقىرىپ جىلاعان. كەيبىر تۇرعىندار جارىلعىش زاتتار ساقتالعان نىساننىڭ تۇرعىن ۇيلەرگە تىم جاقىن ورنالاسۋىنا قاتىستى جاۋاپتى ورگانداردان تۇسىنىكتەمە تالاپ ەتىپ وتىر.
BBC مالىمەتىنشە, تاان ۇلتتىق ازاتتىق ارمياسى – ميانماداعى اسكەري بيلىككە قارسى كۇرەسىپ جۇرگەن ەڭ ىقپالدى ەتنيكالىق قارۋلى توپتاردىڭ ءبىرى.
