فوتو: اشىق دەرەككوز
CBS تەلەارناسىنا بەرگەن سۇحباتىندا زەلەنسكي 2025 جىلدىڭ سوڭىنان باستاپ رەسەي مايدان دالاسىنداعى كۇشىن جوعالتا باستاعانىن ايتىپ, قازىرگى جاعداي كەلىسسوزدەرگە مۇمكىندىك بەرىپ وتىرعانىن جەتكىزدى.
«قازىر ولار ءبىر اي ىشىندە ءبىز ازات ەتىپ جاتقان اۋماقتان ارتىق جەردى باسىپ الا المايدى. سوندىقتان كەلەسى قىسقا دەيىن ديپلوماتيالىق كەلىسىمگە جول تابۋىمىز كەرەك. بىراق بۇل رەسەي قوعامىنىڭ ۆلاديمير پۋتينگە جاسايتىن ىشكى قىسىمىنا, سونداي-اق اقش پەن ەۋروپانىڭ رەسەيگە قارسى سانكتسيالىق رەجيمىنە بايلانىستى», دەدى ۋكراينا باسشىسى.
زەلەنسكيدىڭ ايتۋىنشا, كەلىسسوزدەرگە ەۋروپا ەلدەرىنىڭ وكىلدەرى دە قاتىسۋى ءتيىس. ول ىقتيمال دەلدالدار رەتىندە ۇلىبريتانيا, فرانتسيا جانە گەرمانيادان تۇراتىن E3 فورماتىن اتادى. سونىمەن قاتار تۇركيانىڭ دا اراعايىندىق ءرول اتقارۋعا مۇددەلى ەكەنىن اتاپ ءوتتى.
زەلەنسكي كەڭسەسىنىڭ بۇرىنعى باسشىسى قاماۋدان بوساپ شىقتى
«E3 فورماتىنداعى ەلدەر ەۋروپا اتىنان كەلىسسوز جۇرگىزە الار ەدى. سونداي-اق سولتۇستىك ەۋروپاداعى سەنىمدى سەرىكتەستەرىمىز بار. تۇركيا دا ءاردايىم دەلدال بولۋعا نيەت تانىتىپ كەلەدى. ولاردىڭ كومەگىمەن اسكەري تۇتقىنداردى قايتارۋدا بەلگىلى ءبىر ناتيجەلەرگە قول جەتكىزدىك», دەدى زەلەنسكي.
سونداي-اق ۋكراينا پرەزيدەنتى بىتىمگەرلىك كەلىسسوزدەرگە قاتىساتىن ءۇشىنشى تاراپتى كيەۆ پەن ەۋروپالىق سەرىكتەستەر بىرلەسىپ شەشۋى قاجەت ەكەنىن ايتتى.
ەسكە سالا كەتەيىك, بۇعان دەيىن ۋكراينا پرەزيدەنتى رەسەي باسشىسىمەن ماسكەۋدەن باسقا كەز كەلگەن بەيتاراپ اۋماقتا كەزدەسۋگە ءازىر ەكەنىن مالىمدەگەن بولاتىن.
