فوتو: «AMANAT» پارتياسى
بۇل جەتىستىك تەك سپورتتىق ناتيجە عانا ەمەس, سونىمەن قاتار قازاقستاننىڭ حالىقارالىق بەدەلىن نىعايتاتىن ماڭىزدى وقيعا رەتىندە باعالانىپ وتىر. مۇنداي جەتىستىكتەر ەلدىڭ الەمدىك الپينيزمدەگى ورنى بار مەملەكەت ەكەنىن ايعاقتايدى.
ەكسپەديتسيا بارىسىندا قازاقستان تۋىمەن بىرگە «AMANAT» پارتياسىنىڭ جالاۋى دا كوتەرىلدى. بۇل جوبا جاستارعا ۇلكەن ماقساتتارعا جەتۋ ءۇشىن ءتارتىپ, توزىمدىلىك جانە وتانعا ادالدىق قاجەت ەكەنىن كورسەتەتىن ۇلگى رەتىندە سيپاتتالۋدا.
عالىمجان قۇسمانوۆتىڭ بۇل ساپارى بۇعان دەيىنگى جەتىستىكتەرىنىڭ جالعاسى. ول پارتيا قاتارىنا قابىلدانۋ كەزىندە قازاقستان كونستيتۋتسياسى مەن پارتيا جالاۋىن ءماجىلىس سپيكەرى, پارتيا توراعاسى ەرلان قوشانوۆتان قابىلداپ العان بولاتىن. الپينيست ءۇشىن بۇل ءراسىم فورمالدى ەمەس, جەكە جاۋاپكەرشىلىكتىڭ سيمۆولى بولعان.
الماتىلىق دارىگەر سينگاپۋردان كەلگەن ءالپينيستى قۇتقارىپ قالدى
ايلەند-پيككە كوتەرىلۋ اسا قيىن اۋا رايى جاعدايىندا ءوتتى. سپورتشىنىڭ ايتۋىنشا, جەلدىڭ قاتتى ەكپىنى مەن قارلى بوران ءار قادامدا كەدەرگى كەلتىرگەن.
«گرەبەندە جەلدىڭ ەكپىنى سونشالىق – ارەڭ تۇراسىڭ. قار بەتكە ۇرادى. الدا – مۇز جانە جارتاستى وتكەلدەر. مۇندا نە العا جۇرەسىڭ, نە كەرى قايتاسىڭ. مەن باتىر بابالار جولىن تاڭدادىم – كەرى شەگىنۋ جوق», دەدى عالىمجان قۇسمانوۆ.
بۇل تابىس ونى حالىقارالىق دەڭگەيدەگى رەكورد يەگەرى رەتىندە بەكىتتى. ول «7 ۆۋلكان» حالىقارالىق باعدارلاماسىن تولىق اياقتاعان العاشقى قازاق اتاندى. فينالدىق شىڭ – مەكسيكاداعى وريسابا (5636 م) بولدى. بۇعان دەيىن قازاقستان تۋى افريكا, وڭتۇستىك امەريكا جانە انتاركتيداداعى ەڭ بيىك شىڭداردا كوتەرىلگەن.
العاش رەت قازاق الپينيستەرى ەيگەر تاۋىنىڭ سولتۇستىك قابىرعاسىن باعىندىردى
الپينيست ءوز تاڭداۋىنىڭ سەبەبىن قۇندىلىقتاردىڭ ۇقساستىعىمەن تۇسىندىرەدى. ونىڭ ايتۋىنشا, الپينيزم دە, قوعامدىق قىزمەت تە ناقتى ارەكەت پەن ناتيجەنى تالاپ ەتەدى.
الداعى جوسپارلار قاتارىندا 6476 مەترلىك مەرا-پيككە شىعۋ جانە «7 شىڭ» باعدارلاماسىن الياسكاداعى دەنالي شىڭىن باعىندىرۋ ارقىلى اياقتاۋ بار.
