فوتو: NBC (ۆيدەودان الىنعان كادر)
اقش دەنساۋلىق ساقتاۋ جانە الەۋمەتتىك قىزمەتتەر مينيسترلىگىنىڭ مالىمەتىنشە, ەكى ادام ۇشاقپەن تاسىمالداۋ كەزىندە ارنايى وقشاۋلانعان بولىمدەرگە ورنالاستىرىلعان.
NBC تەلەارناسىنىڭ حابارلاۋىنشا, امەريكالىقتاردى الىپ كەلگەن مەملەكەتتىك دەپارتامەنت ۇشاعى نەبراسكا شتاتىنداعى وماحا-ەپپلي اۋەجايىنا قونعان. جولاۋشىلار تەكسەرۋدەن ءوتۋ ءۇشىن نەبراسكا ۋنيۆەرسيتەتىنىڭ مەديتسينالىق ورتالىعىنداعى ارنايى پاتوگەندەرمەن ەمدەۋ ايماقتىق ورتالىعىنا جەتكىزىلدى.
ددسۇ باسشىسى ۇندەۋ جاسادى: حانتاۆيرۋس قاۋپى قانشالىقتى جوعارى؟
ال پتر-تەستى وڭ ناتيجە كورسەتكەن ادام بولەك مەديتسينالىق مەكەمەگە جىبەرىلەدى. اقش بيلىگى ەلدە حانتاۆيرۋستى جۇقتىرۋ قاۋپىن وتە تومەن دەپ باعالاپ وتىر. سەبەبى بۇل ۆيرۋس كوبىنە ادامنان ادامعا بەرىلمەيدى. ەسكە سالايىق, MV Hondius كرۋيزدىك لاينەرىندە حانتاۆيرۋس ىندەتى تاراپ, ءۇش ادام كوز جۇمعان.
9 مامىرداعى مالىمەت بويىنشا, سەگىز راستالعان نەمەسە كۇماندى جاعداي تىركەلىپ, ءۇش ادام قايتىس بولعان. اقش-تىڭ اۋرۋلاردى باقىلاۋ جانە الدىن الۋ ورتالىعىنىڭ دەرەگىنە سايكەس, حانتاۆيرۋستىڭ ينكۋباتسيالىق كەزەڭى العاشقى بەلگىلەر پايدا بولعان ساتتەن باستاپ ءبىر اپتادان سەگىز اپتاعا دەيىن سوزىلادى.
مامانداردىڭ ايتۋىنشا, اۋرۋ نەگىزىنەن كەمىرگىشتەر ارقىلى تارايدى. الايدا سيرەك جاعدايدا ادامنان ادامعا جۇعۋى مۇمكىن.
جاڭا پاندەميا قاۋپى بار ما؟ ەۋروپادا حانتاۆيرۋس جۇقتىرۋ دەرەكتەرى كوبەيدى
