فوتو: اقوردا
ء«سىزدىڭ قازاقستانعا ساپارىڭىز دەر كەزىندە ۇيىمداستىرىلىپ وتىر. بۇل ەكىجاقتى قارىم-قاتىناستاردى نىعايتۋعا تىڭ سەرپىن بەرەتىنىنە سەنىمدىمىن. ەلدەرىمىز اراسىنداعى سان قىرلى ىنتىماقتاستىق دايەكتى تۇردە دامىپ كەلە جاتىر. سىزبەن بىرگە ۇلكەن ىسكەرلىك دەلەگاتسيا كەلدى. بۇل قازاقستانمەن ىقپالداستىقتى ىلگەرىلەتۋگە اسا جاۋاپكەرشىلىكپەن قارايتىندارىڭىزدى كورسەتەدى», دەدى پرەزيدەنت.
مەملەكەت باسشىسى پرەزيدەنت لۋلا دا سيلۆاعا ىزگى سالەمى مەن ىستىق ىقىلاسىن جولداپ, ەلىمىزگە ساپارمەن كەلۋگە شاقىردى.
پرەزيدەنت ادام قۇقىقتارى جونىندەگى كوميسسيانىڭ توراعاسىن تاعايىندادى
ماۋرو ۆيەيرا قازاقستانعا برازيليا پرەزيدەنتىنىڭ ارنايى تاپسىرماسى بويىنشا كەلگەنىن جەتكىزدى. ونىڭ ايتۋىنشا, ەكى ەل اراسىنداعى ساياسي, ساۋدا-ەكونوميكالىق جانە مادەني-گۋمانيتارلىق بايلانىستاردى ودان ءارى كەڭەيتۋدىڭ الەۋەتى زور.
قازاقستان پرەزيدەنتى مەن برازيليا سىرتقى ىستەر ءمينيسترى ەنەرگەتيكا, تاۋ-كەن مەتاللۋرگيا كەشەنى, اۋىل شارۋاشىلىعى, يننوۆاتسيا جانە جاساندى ينتەللەكت سالالارىنداعى ىنتىماقتاستىقتى تەرەڭدەتۋ پەرسپەكتيۆاسىن تالقىلادى.
مەملەكەت باسشىسى حالىقارالىق قاۋىپسىزدىك, يادرولىق قارۋسىزدانۋ جانە جاپپاي قىرىپ-جوياتىن قارۋدى تاراتپاۋ ماسەلەلەرىندە ءوزارا كۇش بىرىكتىرۋدىڭ ماڭىزىنا توقتالدى.
بۇدان بولەك, بۇۇ جانە ونىڭ قۇرىلىمدارىن رەفورمالاۋ جايى, سونداي-اق يراننىڭ يادرولىق باعدارلاماسى توڭىرەگىندەگى احۋال قاراستىرىلدى.
قاسىم-جومارت توقاەۆ قازاقستاننىڭ اتوم قۋاتىن ماگاتە باقىلاۋىمەن تەك بەيبىت ماقساتتا پايدالانۋعا بەيىل ەكەنىن راستادى.
كەزدەسۋدە ەلىمىز يادرولىق قارۋدى تاراتپاۋ بويىنشا حالىقارالىق ارەنادا زور سەنىمگە يە ەكەنى ايتىلدى. سونىمەن قاتار ەلىمىزدە يادرولىق ماتەريالداردى قاۋىپسىز پايدالانۋعا قاجەتتى ينفراقۇرىلىم, ساراپشىلىق جانە عىلىمي-تەحنيكالىق بازا قالىپتاسقان.
ماگاتە-ءنىڭ از بايىتىلعان ۋراندى ساقتايتىن الەمدەگى جالعىز بانكى قازاقستان اۋماعىندا ورنالاسقان.
مەملەكەت باسشىسى ەلىمىز ىزگى نيەت تانىتا وتىرىپ, يرانداعى يادرولىق پروبلەماتيكانىڭ شەشىلۋىنە سەپتىگىن تيگىزۋگە دايىن ەكەنىن مالىمدەدى. ول ءۇشىن ءتيىستى حالىقارالىق ۋاعدالاستىققا قول جەتكىزىلىپ, اتالعان ماسەلە ناقتى ىسكە ۇلاسۋى قاجەت.
