فوتو: 24KZ
بىلتىر وتباسىمەن بىرگە تالدىقورعاننان پەتروپاۆلعا قونىس اۋدارعان پاۆەل كورنيلوۆتىڭ ايتۋىنشا, ول باستاپقىدا پاتەر جالداپ تۇرعان, ونىڭ تولەمى مەملەكەت ەسەبىنەن جابىلعان. كەيىن «ەكونوميكالىق ۇتقىرلىق سەرتيفيكاتىن» الىپ, ءوز جيناقتارىن قوسىپ, يپوتەكا ارقىلى ءۇش بولمەلى پاتەر ساتىپ العان.
ايدا بالاەۆا كوشى-قون ساياساتىن جەتىلدىرۋدىڭ باسىم باعىتتارىن ءتۇسىندىردى
24KZ مالىمدەۋىنشە, باعدارلاما اياسىندا وڭىرگە كوشىپ كەلگەن ءار ادامعا 300 مىڭ تەڭگە كولەمىندە ءبىر رەتتىك سۋبسيديا تولەنەدى. سونىمەن قاتار تۇرعىن ءۇي ساتىپ الۋعا بەرىلەتىن سەرتيفيكات كولەمى دە ارتقان.
سقو بويىنشا ەڭبەك موبيلدىلىگى ورتالىعىنىڭ ديرەكتورى نۇرلان بيبولاەۆتىڭ ايتۋىنشا, بىلتىر سەرتيفيكات كولەمى 4,5 ملن تەڭگە بولعان. الايدا قونىس اۋدارۋشىلار ءدال وسىنداي سومانى ءوز قالتاسىنان قوسۋى كەرەك ەدى. سونىڭ ناتيجەسىندە جالپى قۇنى 9 ملن تەڭگەگە دەيىنگى باسپانا الۋعا مۇمكىندىك بولعان.
«بيىلعى ەرەكشەلىك – ۇكىمەتتەن 7 ملن تەڭگە تولەنەدى. ەگەر ءۇيدىڭ باعاسى وسى قاراجاتقا ساي كەلسە, قونىس اۋدارعان ازامات قوسىمشا قارجى شىعارماي-اق باسپانالى بولا الادى», دەدى نۇرلان بيبولاەۆ.
بيىل سولتۇستىك قازاقستان وبلىسىنا 3020 قونىس اۋدارۋشى مەن قانداستى قابىلداۋ جوسپارلانعان. قازىردىڭ وزىندە جىلدىق جوسپاردىڭ 60% ورىندالعان.
كوشى-قون ساياساتى وزگەرەدى: ولجاس بەكتەنوۆ مينيسترلەرگە ناقتى مىندەتتەر جۇكتەدى
