ۇلتتىق كومپانيانىڭ مالىمەتىنشە, 2026 جىلعى 1 اقپان ساعات 08:00-دەگى جاعداي بويىنشا, ماڭعىستاۋ وبلىسىندا اۋا رايىنىڭ قولايسىزدىعىنا بايلانىستى رەسپۋبليكالىق ماڭىزى بار «دوسسور – قۇلسارى – بەينەۋ – ساي-وتەس – شەتپە – جەتىباي – اقتاۋ» اۆتوجولىنىڭ 632-718 شاقىرىم ارالىعىندا (شەتپە اۋىلى – جەتىباي اۋىلى ۋچاسكەسى) اۆتوكولىكتىڭ بارلىق تۇرلەرى ءۇشىن قوزعالىسقا ۋاقىتشا شەكتەۋ ەنگىزىلدى.
جولدى اشۋدىڭ بولجامدى ۋاقىتى – 2026 جىلعى 1 اقپان, ساعات 11:00.
سونداي-اق پاۆلودار وبلىسىندا «استانا – شىدەرتى – پاۆلودار – ۋسپەنكا – رەسەي فەدەراتسياسىنىڭ شەكاراسى» اۆتوجولىنداعى كولىك ايرىعىنىڭ ارالىق قۇرىلىمىنداعى شەتكى ارقالىقتاردىڭ زاقىمدالۋىنا بايلانىستى «قالقامان» جول ايرىعى ۋچاسكەسى جابىلدى. اتاپ ايتقاندا, قالقامان كەنتىنە كىرەبەرىس پەن استانا باعىتىنا شىعاتىن جول ۋاقىتشا جابىق.
