ەرەكشە قاجەتتىلىككە يە شىعارماشىل جاستاردى جۇيەلى قولداۋ ماقساتىندا ۇلتتىق دەلفي كوميتەتى ۇلتتىق دەلفي ويىندارىنىڭ پارادەلفي اتالىمىنىڭ لوگيكالىق جالعاسى بولىپ تابىلاتىن سولتۇستىك قازاقستان وبلىسى پەتروپاۆل قالاسى ەرەكشە اكتەرلەر تەاترىنىڭ نەگىزىن قالادى.
تەاتر ترۋپپاسىنىڭ قۇرامىندا ەستۋ, كورۋ, تىرەك-قيمىپ اپپاراتى, مەنتالدى اۋىتقۋشىلىعى بار جاستار قامتىلعان. تەاتر جۇمىسقا كىرىسكەن 6 اي ىشىندە رەپەرتۋارىندا ءۇش ءتۇرلى قويىلىم, 50 گاسترولدەۋشى اكتەر, ەلىمىزدىڭ بارلىق ايماعى بويىنشا گاسترولدىك تۋر اياسىندا 40 رەت وينالعان سپەكتاكل بار ەكەندىگىن ايتا كەتكەن ءجون. رەجيسسەرلىك-قويىلىمدىق قۇرامعا تەاتر ونەرى, رەجيسسۋرا, ستسەنوگرافيا, ىم-يشارا ءتىلىن ورىنداۋ شەبەرى جانە ت.ب. كاسىپقويلارى كىردى.
ۇيىمداستىرۋشىلار جوبا اياسىندا ەرەكشە قاجەتتىلىككە مۇقتاج جاستاردى الەۋمەتتەندىرۋ مەن وڭالتۋدىڭ ايتارلىقتاي ناتيجەسىن باقىلاۋدا ۇستايدى. ماسەلەن, داۋن سيندرومىنا شالدىققان اكتەرلەردىڭ سويلەۋىندە قارقىندى دامۋ, بەيمازالىق دەڭگەيىنىڭ تومەندەۋى بايقالادى, ۇجىمدا ءوزارا ارەكەت ەتۋ قابىلەتى داميدى. ەستۋ قابىلەتىندە اقاۋى بار جاستاردا وقۋ ۇلگەرىمىنىڭ جوعارىلاۋى, ءوزىن-ءوزى باعالاۋىنىڭ ارتۋى, ء«وزىن كەم سەزىنۋدىڭ» تومەندەۋى بايقالادى. ونىڭ ۇستىنە, اتا-انالار مەن پەداگوگتەر ايتقانداي, گاسترولدىك ساپار, ورىن مەن جەردىڭ اۋىسۋى دۇنيەتانىمىنىڭ كەڭەيۋى مەن الەۋمەتتىك ماشىقتاردى يەلەنۋىنە وڭ ىقپالىن تيگىزەدى.
