قازاقستان • 21 قاراشا، 2019

قورعانىس مينيسترلىگىندە كەڭەيتىلگەن القا وتىرىسى ءوتتى

59 رەتكورسەتىلدى

القا وتىرىسىنا قورعانىس مينيسترلىگى مەن باس شتاب باسشىلىعى، دەپارتامەنتتەر مەن باس باسقارمالار باستىقتارى، اسكەر تۇرلەرى باس قولباسشىلارىنىڭ ورىنباسارلارى، وڭىرلىك قولباسشىلىقتار مەن اسكەر تەكتەرى اسكەرلەرىنىڭ قولباسشىلارى، بريگادالاردىڭ، پولكتەردىڭ، اۆياتسيالىق بازالاردىڭ، ساقتاۋ قويمالارىنىڭ، وقۋ ورتالىقتارىنىڭ كومانديرلەرى، اسكەري وقۋ ورىندارىنىڭ، اسكەري پوليتسيا ورگاندارىنىڭ باستىقتارى، سەرجانتتار قۇرامى، قازاقستان رەسپۋبليكاسى قم ۆەدومستۆولىق باعىنىستى ۇيىمدارىنىڭ باسشىلارى قاتىستى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.

كۇن تارتىبىندە 2019 وقۋ جىلىنداعى قارۋلى كۇشتەر قىزمەتىنىڭ قورىتىندىلارى قارالدى. مينيسترگە اسكەرلەردىڭ جاۋىنگەرلىك جانە جۇمىلدىرۋ ازىرلىگىن، جەدەل، جاۋىنگەرلىك جانە جۇمىلدىرۋ دايىندىعىن، سونداي-اق قارۋلى كۇشتەردى دامىتۋدىڭ جاي-كۇيىن تالداۋ ناتيجەلەرىن باياندادى. قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسىنىڭ قك باس شتاب باستىعى گەنەرال-مايور مۇرات بەكتانوۆ جانە قورعانىس ءمينيسترىنىڭ ورىنباسارى باۋىرجان تورتاەۆ بايانداما جاسادى.

گەنەرال-مايور مۇرات بەكتانوۆتىڭ ايتۋىنشا 2019 جىلى قارۋلى كۇشتەردە جوسپارلانعان بارلىق ءىس-شارا تولىق دەڭگەيدە ورىندالدى. جىل بويى بولىمشەلەر 20-دان استام حالىقارالىق، 2 تۇرارالىق وقۋ-جاتتىعۋعا قاتىستى. قۇرلىق اسكەرلەرىندە جاۋىنگەرلىا دايارلىققا قاتىستى 7000-نان استام وقۋ-جاتتىعۋ وتكىزىلدى. بۇل وقۋ-جاتتىعۋلار ءار ەلدىڭ اسكەر توپتارىنىڭ ءوزارا ءىس-قيمىلىنىڭ جوعارعى دەڭگەيگە جەتۋى مەن جەكە قۇرامنىڭ جاۋىنگەرلىك دايارلىعىنىڭ ارتۋىنا ىقپال ەتتى.

قۇرىلىمدىق بولىمشەلەرگە جاۋاپتىلار اسكەر قىزمەتىنىڭ جاي-كۇيىنە جانە اسكەري بولىمدەر مەن مەكەمەلەردىڭ ديۆەرسياعا قارسى قاۋىپسىزدىگىنە، سونداي-اق اسكەري تارتىپكە تالداۋدى تانىستىردى. تالقىلاۋ بارىسىندا اسكەري قىزمەتشىلەردىڭ وتباسىمەن جۇمىس ىستەۋ جانە جاستاردى اسكەري-پاتريوتتىق تاربيەلەۋ سالاسىنداعى قىزمەتتەر نازاردان تىس قالمادى. الداعى وقۋ جىلىندا جاڭا گەوساياسي جاعدايلاردا قاۋىپسىزدىككە تونەتىن قاۋىپ-قاتەرلەردىڭ كورسەتىلۋىن كەپىلدىكپەن قامتاماسىز ەتەتىن قارۋلى كۇشتەردىڭ بەينەسىن جەتىلدىرۋ جونىندەگى جۇمىس جالعاستىرىلاتىن بولادى. مينيستر جەكە اسكەر ءتۇرىن دامىتۋ، سونداي-اق اسكەردى كەشەندى قايتا جاراقتاندىرۋ قاجەتتىلىگىن اتاپ ءوتتى. كەڭەيتىلگەن القا وتىرىسى سوڭىندا 2019 جىلعى جاۋىنگەرلىك سايىستاردىڭ جەڭىمپازدارى ماراپاتتالدى. اسكەر ءتۇرى اراسىنان – قۇرلىق اسكەرى، وڭىرلىك قولباسشىلىقتار مەن اسكەر تەكتەرى اراسىندا «وڭتۇستىك» جانە «شىعىس» وڭىرلىك قولباسشىلىقتارى، دەسانتتى-شابۋىلداۋشى اسكەرلەرى ۇزدىكتەر قاتارىنان كورىندى.


سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار