قارجىلىق بۇزۋشىلىقتاردىڭ سوماسى 200 ملن تەڭگەدەن استام. وسى شارالارعا جاۋاپتى اتىراۋ وبلىسىنىڭ تەكسەرۋكوميسسياسىنىڭ مۇشەسى اسىلان قۇماروۆتىڭ مالىمەتىنشە, اۋديتورلار 16 جالپى ءبىلىم بەرەتىن مەكتەپكە بولىنگەن رەسپۋبليكالىق ترانسفەرتتەردىڭ ماقساتسىز پايدالانىلۋىن انىقتاعان, ونىڭ سوماسى 23 ملن 283 مىڭ تەڭگە. سونىڭ ىشىندە, بۋحگالتەرلىك ەسەپكە الۋعا جاتاتىن مالىمەتتەردى جاسىرۋدىڭ 9 فاكتىسى بولعان.
-ءبىر مەكتەپتىڭ ەسەپشىسى جالاقىنى نەگىزسىز تولەي وتىرىپ, 2017-2019 جىلدارى ءوزىنىڭ جەكە ەسەپ-شوتىنا 23 ملن تەڭگە اۋدارعان. تاعى ءبىر مەكتەپتىڭ ەسەپشىسى وسىنداي جاعدايدا وسى جىلدارى 18 ملن تەڭگەنى جىمقىرعان. اتالمىش فاكتىلەر بويىنشا جينالعان ماتەريالدار شەشىم الۋ ءۇشىن قۇقىق قورعاۋ ورگاندارىنا بەرىلدى, دەدى اسىلان قۇماروۆ.
بۇدان باسقا دا قارجىلىق بۇزۋشىلىق فاكتىلەرى انىقتالدى. ماسەلەن, ءىسساپار شىعىندارىن ارتىق تولەۋ, تاپسىرىس بەرۋشىنىڭ جەتكىزۋشىنى جوسىقسىز دەپ تانۋ تۋرالى سوتقا ۋاقىتىلى شاعىمدانباۋى, ەسەپتەلگەن سالىقتى تولەۋدەن جالتارۋ, وقۋ جابدىقتارىنىڭ پايدالانىلماي تۇرۋى.
اتىراۋ وبلىسى بويىنشا تەكسەرۋ كوميسسياسى ءوڭىردىڭ ءبىلىم بەرۋ سالاسىنا مونيتورينگ جاساپ, اۋديت جۇرگىزۋدى جالعاستىرۋدا. باستى مىندەت – بيۋدجەت قاراجاتىنىڭ ءتيىمدى پايدالانىلۋىن باقىلاۋ.
