100 • 21 قاراشا، 2019

ازاماتتىق ۇستانىمىم قالىپتاستى

60 رەتكورسەتىلدى

مەن بۇل گازەتكە 1972 جىلدىڭ 8-تامىزىندا جۇمىسقا تۇردىم. ول كەزدە گازەتتىڭ اتاۋى «سوتسياليستىك قازاقستان» ەدى. وعان دەيىن بەس جىل قازاق راديوسىنىڭ قوستاناي وبلىسى بويىنشا ءتىلشىسى، بەس جىل تورعاي وبلىستىق تەلەراديوكوميتەتىنىڭ باس رەداكتورى قىزمەتىن اتقارعانمىن. مەن ءۇشىن «سوتسياليستىك قازاقستان» گازەتى ۇلكەن مەكتەپ بولدى. «جازۋ-سى­زۋدى ۇيرەندىم، بەلگىلى ءبىر ازاماتتار ۇستازىم بولدى» دەي المايمىن. گازەتتىڭ ماعان جاساعان جاقسىلىعى – سول تۇستاعى قازاقتىڭ ماڭ­دايالدى ازاماتتارىمەن سۇحبات قۇرۋىما مۇمكىندىك بەردى. سول سۇحباتتاردىڭ بارىسىندا ولاردىڭ ارقايسىسىنان ۇلتتىق ماسەلەلەرگە نەمقۇرايدى قاراماۋدى ۇيرەندىم. وسى كىسىلەردىڭ ارقاسىندا ول كەزدە «جابىق تاقىرىپ» بولعان الاش ارىستارىنىڭ ەڭبەكتەرىمەن تۇگەل تانىستىم. ۇلت ءۇشىن تاۋەكەلگە بارۋعا بولاتىنىن ءتۇسىندىم. گازەتكە كەلگەننەن باستاپ حابار جازسام دا «وسىدان حالىققا قانداي پايدا» دەگەندى ويلايتىن بولدىم. بۇعان دەيىنگى قالىپتاسقان «جۋرناليست – پارتيانىڭ قولعاناتى» دەگەن تۇسىنىكتى «جۋرناليست – حالىقتىڭ جوقشىسى، جاناشىرى، ءۇنى» دەگەن ۇعىمعا اۋىستىردىم.

 «ەگەمەن قازاقستان» – ءداستۇر جالعاستىعى ساقتالعان قارا­شاڭىراق. ءبىز جۇمىس ىستەپ جۇرگەن كەزدە ساكەن، بەيىمبەت، ءىلياس سىندى مىقتىلاردىڭ كوزىن كورگەن اعالار بار ەدى. ولار بىزگە اقىلىن اياعان جوق. ءتىلشى بولىپ كىرىپ، «ادەبيەت جانە ونەر» ءبولىمىنىڭ مەڭگەرۋشىسى قىزمەتىنە دەيىن ءوستىم. ء«بىر حاتتىڭ ىزىمەن» ايدارى بويىنشا 3 ادامدى تۇرمەدەن شىعارۋعا سەپتىگىم ءتيدى. قانشاما ءزابىر كورىپ جۇرگەن ەڭبەك ادامدارىنىڭ قۇقىقتارىن قورعادىق. مۇنىڭ ءبارى مەنىڭ جازعىشتىعىمنان ەمەس، گازەتتىڭ بەدەلىنىڭ ارقاسىندا شەشىلىپ جاتتى. جالپى گازەتتىڭ ماعان بەرگەنى كوپ بولدى. تاماعىن اسىراپ قانا جۇرگەن قاتارداعى كوپ ادامنىڭ بىرىنەن بارلىق نارسەگە سىن كوزبەن قارايتىن، ەلدىڭ ەرتەڭىن ويلايتىن ازاماتقا اينالدىم.

 

قويشىعارا سالعارا ۇلى،

عالىم-جازۋشى، مەملەكەتتىك سىيلىقتىڭ لاۋرەاتى

 

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار