100 • 21 قاراشا، 2019

«ەگەمەن قازاقستان» استاناعا كوشىپ كەلگەندە

115 رەتكورسەتىلدى

و، كيەلى شاڭىراق، قاسيەتتى،

تاعدىر بىزگە ءوزىڭدى ءناسىپ ەتتى.

سەن ارقالاپ كەلەسىڭ تاسقا باسىپ،

ەل قۋانعان شاتتىقتى...قاسىرەتتى.

 

كوردىڭ تالاي كۇرەستى، ەسىرىكتى،

تىرلىكتىڭ دە بىلەسىڭ نەسى مىقتى.

ەل ءسوزى دەپ اتالعان كەرۋەنىڭە

تالاي-تالاي ۇلىنىڭ كوشى ىلىكتى.

 

قينالعاندى جۇرەسىڭ سۇيەپ العا،

قيماسىما اينالعان كيەلى وردا.

قازاعىمنىڭ كوز جاسى، مۇڭ-نازاسى،

وتتاي ورتەپ، جانىڭا تيەدى ول دا.

ارقيلى اۋەن شىعادى سارايىڭنان،

تىزەرلەگەن الدىڭدا تالاي ءبىر ءنان.

باسىپ ايتىپ كەلەسىڭ اقيقاتتى،

باتىر سىنعان جانداردىڭ تالايىنان.

 

تىلشىلەرى قالامىن وقشا تەڭدەپ،

جاقسىنى دا ايتاسىڭ جاقسى ەكەن دەپ.

ءومىر قىمبات، بارىنەن ءومىر قىمبات،

وقىرمانىم تايانىش تاپسا ەكەن دەپ.

 

كيەلى وردام!

و، قاراشاڭىراعىم!

تالاي ۇرپاق ءوزىڭدى تانىر ءالى.

ىزدەگەنگە ءتىل قاتار بەتتەرىڭنەن،

تەڭىزدەگى تامشىداي قوڭىر ءانىم.

تۋىن تىگىپ، استانا – جەر ورتاعا،

ءاز شاڭىراق!

حوش كەلدىڭ، سارىارقاعا!

ارۋ قالام – اياۋلى الماتىمنىڭ،

الا كەلگىن رۋحىن جاڭا ورتاعا.

حوش كەلدىڭدەر، جاقسى اعا،

جان دوستارىم،

ەندى، مىنە...تولدى ورتام،

تولدى اسپانىم.

جاقسىلىقتىڭ جارشىسى بولعايسىزدار،

جارقىلداتىپ مارتتىكتىڭ الداسپانىن.

 

ەربول شايمەردەن ۇلى

 

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار