100 • 21 قاراشا، 2019

«ەگەمەندە» ەڭبەك ەتكەن جىلدارىڭىز نەسىمەن ەستە قالدى؟

30 رەتكورسەتىلدى

ارينە ءبىر جەردە كوپ جۇمىس ىستەۋ ايرىقشا اتاپ ايتاتىن دا نارسە ەمەس شىعار. ەڭ باستىسى – وندا جاقسى جۇمىس ىستەۋ. مەن «ەگەمەندە» ۇزىن – ىرعاسى 47 جىلداي ەڭبەك ەتىپپىن. ستۋدەنت كەزىمدە، وسى رەداكتسيادا تاجىريبەدەن ءوتىپ، ۇجىمعا باۋىر باسىپ كەتتىك. ءتىپتى ءبىراز ۋاقىت باسقا جەرلەردە جۇمىس ىستەۋگە تۋرا كەلگەندە دە كوڭىلىمىز بۇل گازەتتەن اجىراماعان. ءبىراز ۋاقىت سەمەيدە مەنشىكتى ءتىلشى بولدىق، رەداكتسيادا ءبىراز بولىمدەردى باسقارىپ، جاۋاپتى حاتشى، فيليال جەتەكشىسى قىزمەتتەرىن دە اتقاردىق. زەينەتكەرلىككە 75 جاستان اسقاندا شىققانبىز. سودان دا مەن بۇل گازەتتى ءوز ومىرىمنەن ءبولىپ قاراي المايمىن. قۋانىشىمىزدى دا، ومىردە كەزدەسكەن كەيبىر قيىندىقتى دا ۇجىممەن بىرگە بولىستىك. گازەتكە بايلانىستى بارلىق نارسەلەر مەن ءۇشىن ايرىقشا قىمبات.

ەڭ الدىمەن وسى جەردە بىرگە قىزمەت ەتكەن ادامداردىڭ ورنى ەرەكشە. كەزىندە اعايلارىم مەن اپايلارىم ماعان قامقور بولسا، كەيىن ءوزىمىزدىڭ جاسىمىز ۇلعايعاندا كوڭىلىمىز جاستارعا قامقور بولۋعا بۇرىلىپ تۇرادى. تۋىسقاننان دا جاقىن بولىپ كەتكەن جانداردىڭ بەينەلەرى كوز الدىمدا. ءبىز مۇندا كىمدەرمەن ىستەس بولمادىق! باسشىلار عانا ەمەس، قاراپايىم قىزمەتتەگى ادامدار ونەگەسىن قايتىپ ۇمىتارسىڭ.

ءبىر عاسىرلىق تاريحى بار «ەگەمەننىڭ» سوڭعى الپىس جىلدىق تاريحىنا تىكەلەي كۋالىك ەتە الادى ەكەنبىز. بۇل تاريح – حالىققا قىزمەت ەتۋدىڭ جارقىن ۇلگىسى دەر ەدىم. ول باسىلىمدى ەلىمىزدىڭ، حالقىمىزدىڭ ومىرىنەن ءبولىپ قاراي المايسىڭ. ول سونىسىمەن دە ەرەكشەلەنەدى، سونىسىمەن دە تاريحتا قالادى.

ءدال وسى كۇندەردە كوڭىلگە كوپ جايلار ورالادى. وسى گازەتتە قىزمەت ەتكەن تالاي جايساڭداردىڭ ءىسى الدا جالعاساتىنى، جالعاستىراتىن ۇرپاقتىڭ بارلىعى قۋانتادى.

ءجۇز جاساعان گازەتتىڭ مەرەكەسى – حالىقتىڭ مەرەكەسى. تاۋەلسىزدىگىمىزدىڭ جارشىسى، ۇرانشىسى بولعان گازەتىمىز حالقىمىزبەن بىرگە جاساي بەرەدى.

 

ماماديار جاقىپ،

«ەگەمەن قازاقستاننىڭ» ارداگەرى

 

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار