كەزدەسۋگە قاراعاندى مەملەكەتتىك تەحنيكالىق ۋنيۆەرسيتەتى, د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى, SILKWAY حالىقارالىق ۋنيۆەرسيتەتىنىڭ, سونداي-اق ەلوردالىق جوعارى وقۋ ورىندارىنىڭ ستۋدەنتتەرى قاتىستى.
سۇلۋ ءسوزدى كەن قازعانداي قازىپ, جۋرناليستيكانىڭ مايىن ىشكەن قالامگەردىڭ جاس بۋىنعا ايتار ونەگەسى مەن وسيەتى كوپ ەكەنى داۋسىز. ءومىر جولىندا نەنى تەمىرقازىق ەتتى, قانداي سوقپاقتاردى باسىپ ءوتتى, ۇستانىمى قانداي, ماقسات-مۇراتىنا جەتتى مە – جازۋشىنىڭ جان سىرىنان وسى ساۋالداردىڭ جاۋابىن تاپتىق. تاعدىرىنىڭ نازىك تە شەتىن تۇستارىنا قانىقتىق. وتكەن عاسىرداعى جۇرەككە سالماق سالاتىن اۋىرتپالىقتار بۇل وتباسىنى دا جاناي وتپەپتى. قاجى اتاسىنىڭ قۋعىندالۋى, اكە جۇرەگىندەگى ۇرەي, التى جاسىندا انادان ايىرىلۋ – بولاشاق قالامگەردى ومىردەگى ادىلەتسىزدىكتەرمەن كۇرەسۋ ءۇشىن مىقتى ادام بوپ قالىپتاسۋعا يتەرمەلەگەن سياقتى. مويىماۋ, قاجىماۋ, تالماي ەڭبەك ەتۋ – جازۋشىنىڭ ۇستانىمى وسى.
«سەندەر مۇمكىن ادال ەڭبەكتىڭ وتەۋى بولمايدى دەپ ويلايتىن شىعارسىڭدار. بىراق استە ولاي ەمەس. ادالدىقتىڭ دا, ادال ەڭبەكتىڭ دە وتەۋى بولادى. ومىردە تازا جۇرۋگە تىرىسۋ كەرەك. تازا ويلاۋ كەرەك. ماڭداي تەردى توگىپ ەڭبەك ەتۋ قاجەت. سوندا جولدارىڭ اشىلادى. ماقسات-مۇراتتارىڭا جەتەسىڭدەر», دەگەن جازۋشى جاس بۋىنعا ومىردەگى باستى قۇندىلىقتار رەتىندە تازالىق پەن ادالدىقتى ناسيحاتتادى. جازۋشىلىق پەن جۋرناليستيكانىڭ قىر-سىرىن اڭگىمەلەدى, شىعارماشىلىق زەرتحاناسىنىڭ قۇپياسىن اشتى. «جاس بۋىن جۋرناليستەر كوپ وقىپ, وقىعانىن كوڭىلگە كوپ توقۋى قاجەت. وقىماي جازا بەرۋگە دە بولادى. بىراق ءتىلدىڭ جۇتاڭدىعى, ويدىڭ سايازدىعى كورىنبەي تۇرمايدى», – دەدى قالامگەر.
كەزدەسۋ سوڭىندا ستۋدەنتتەر قالامگەردىڭ «بۇلتتى تۇنگى تولعان اي», «جولساپار جالعاسا بەرەدى», «قۇلپىتاستىڭ كوز جاسى», «لەتو بەز دوجديا» سىندى كىتاپتارىنان قۇرالعان كورمەنى تاماشالاپ, شىعارماشىلىعىمەن تانىستى.
