سالىعىن ۋاقىتىلى تولەمەگەندەر مەن قارىزىن وتەمەگەندەردىڭ ءتىزىمى ينتەرنەتتە جۇرت كورەتىن بورىشكەرلەر تىزىمىنە جاريالانادى. سالىق ورگاندارى بەرەشەك پايدا بولعاننان كەيىن 20 جۇمىس كۇنى ىشىندە جەكە تۇلعانىڭ اتىنا حابارلاما جىبەرەدى. ەگەر حابارلامانى العاننان كەيىن 30 جۇمىس كۇنى وتكەننەن سوڭ سالىق بەرەشەگى وتەلمەسە, وندا سالىق ورگانى ونى ءوندىرىپ الۋ تۋرالى بۇيرىق شىعارادى جانە 5 جۇمىس كۇنىنەن كەشىكتىرمەي ونى جەكە تۇلعاعا جىبەرەدى.
ەگەر سالىق بۇيرىعىن العاننان كەيىن 5 جۇمىس كۇنى ىشىندە بورىشكەر سالىق بەرەشەگىن وتەمەسە, وندا ۋاكىلەتتى ورگان مۇنداي بۇيرىقتى سوت ورىنداۋشىلارىنا ماجبۇرلەپ ورىنداتۋ ءۇشىن جىبەرەدى. سوت سالىق بۇيرىعىن العان كەزدە بورىشتى ءوندىرىپ الۋدى ماجبۇرلەپ ورىنداتۋ ءراسىمىن باستايدى. ونىڭ بارىسىندا بانك شوتتارىنداعى م ۇلىك پەن اقشاعا تىيىم سالىنۋ, ەلدەن تىس جەرلەرگە شىعۋعا تىيىم سالىنۋ قاراستىرىلعان.
سالىق بەرەشەگىن وتەۋدەن باسقا, جەكە تۇلعا قارىز سوماسىنىڭ كەمىندە 20% مولشەرىندە سوت ورىنداۋشىسىنىڭ قىزمەتىن دە تولەۋى قاجەت بولادى.
