قازاقستان • 05 قاراشا، 2019

«ءبىزدىڭ قالانىڭ كوشەلەرى» جوباسىن باستاۋ

175 رەتكورسەتىلدى

«رۋحاني جاڭعىرۋ» مەملەكەتتىك باعدارلاماسىنىڭ اياسىندا، بۇل جوبا قالا تۇرعىندارى مەن قوناقتارىن بەلگىلى ءبىر جەردىڭ عانا ەمەس، بۇكىل قالانىڭ، ءتىپتى بۇكىل ەلدىڭ تاريحىمەن تانىستىرۋعا تاماشا مۇمكىندىكتەر بەرەدى. ويتكەنى، كەز-كەلگەن استانالىق تۇرعىنعا: «بۇل كوشە نەگە وسى ادامنىڭ تەگىمەن اتالادى؟»، «قالا اۋداندارىندا اتاۋلار قانداي قاعيدا بويىنشا بەرىلگەن؟» نەمەسە «بۇل كوشە نە تۋرالى، قانداي تۇلعا تۋرالى جانە كىمنىڭ تاعدىرى تۋرالى ايتۋى مۇمكىن؟» دەگەن ويلايداردى تۋدىرادى.

بالالار مەن ولاردىڭ اتا-انالارىن زەرتتەۋ-ىزدەستىرۋ جۇمىستارىنا قىزىقتىرىپ، جۇمىلدىرۋ ارقىلى قويىلعان ماقساتقا قول جەتكىزۋگە بولادى. كوشەلەرگە اتتارى بەرىلگەن باتىرلار تۋرالى اقپارات ءوز رەتىمەن تەز-اق تاراتىلادى.

25 قازاندا تولەگەن ايبەرگەنوۆ اتىنداعى №16 ورتا مەكتەپتە ء«بىزدىڭ قالامىزدىڭ كوشەلەرى» جوباسى ىسكە قوسىلدى، وندا № 14، 16، 27 مەكتەپ وقۋشىلارى ۇشىرىلىم الاڭىن اشىپ، وسى باعدارلامانى جۇزەگە اسىرۋ ءۇشىن جۇمىستىڭ باستالعانى تۋرالى پرەزەنتاتسيالارىن، بەينەروليكتەرىن كورسەتتى. وقۋشىلار مەن قوناقتاردىڭ نازارلارىنا «اباي قۇنانباەۆ»، «ەگەمەن قازاقستان»، «ساكەن سەيفۋللين»، «شوقان ءۋاليحانوۆ»، «كەنسارى قاسىموۆ»، «باقتىوراز بەيسەكباەۆ»، «امانگەلدى يمانوۆ»، «جانىبەك تارحان»، «احمەت جۇبانوۆ» كوشەلەردى ۇسىندى. وقۋشىلار مۇراجايلاردى ارالاپ، مۇراعاتتارمەن تانىستى، دەرەكتى فيلمدەر كوردى، كىتاپحانالاردى ارالاپ، ينتەرنەت جەلىلەرىندە «سەرۋەندەدى»، كەيىپكەرلەر تۋرالى كوبىرەك اقپارات ىزدەۋ ءۇشىن، ايگىلى مۋزىكانتتاردىڭ مۋزىكا قورلارىن زەرتتەدى جانە تىڭداۋشىلارعا ەڭ جاقسى تۋىندىلاردى ۇسىندى.

قالا كوشەلەرىندەگى ادامدارمەن وتكىزگەن ديالوگ پەن مونيتورينگ بارىسىندا، كوشەگە ەسىمدەرى بەرىلگەن ادامدار تۋرالى سۇراققا جاۋاپ بەرۋ ولارعا وتە  قيىنعا سوعاتىنى بايقالدى. تۇرعىندارعا تانىستىرۋ ماقساتىندا،  20 جىل بۇرىن ەسىمى كوشەگە بەرىلگەن، ۇلى وتان سوعىسىنىڭ جاس باتىرى باقتىوراز بەيسەكباەۆ تۋرالى ءتۇرلى-ءتۇستى باننەر ءىلىندى.

زەرتتەۋ كورسەتكەندەي، كوپشىلىككە باتىرلاردىڭ «جاندى» بەينەسىن جەتكىزۋ كەرەك، ياعني يننوۆاتسيالىق تەحنولوگيالاردى قولدانعان «سويلەيتىن» باننەرلەر، ء«وز كوشەڭدى تانى» اتتى اقپاراتتىق ناۋقانداردى جانە «Mystreet» ونلاين-شاقىرۋى تۇرىندەگى جاڭا ادىستەردى تابۋ قاجەت.

نۇر-سۇلتان قالاسىنداعى  «رۋحاني جاڭعىرۋ» جوبالىق كەڭسەسىنىڭ باسشىسى نۇرپەيىسوۆ ۇكىباي ابدۋماناپ ۇلى ءوز جاۋابىندا مەكتەپتەردىڭ بىرىگىپ، ۇمىتىلعان ەسىمدەردى تابۋدا جۇمىستى جالعاستىرۋعا شاقىردى.   ءارى قاراي ول، ءار بالا مەن ونىڭ اتا-اناسى، مەكتەپ كوشەلەردى اتاۋ جوباسىنا قاتىسىپ، قالا تاريحىندا ءوز ىزدەرىن قالدىرۋعا بولاتىندىعىن ءتۇسىندىردى.

وقۋشىلار ۇمىتىلعان ەسىمدەردى ىزدەۋدەگى عىلىمي-زەرتتەۋ جۇمىستارىن جالعاستىرىپ، قالانىڭ جاڭا كوشەلەرىنە ەسىمدەرىن  بەرۋگە بولاتىن ازاماتتاردى انىقتاۋعا قۇلشىنا كىرىسۋگە دايار.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار