«قازاقستان پرەزيدەنتى قاسىم-جومارت توقاەۆتىڭ بيىل قىركۇيەك ايىندا قحر-عا جاساعان العاشقى مەملەكەتتىك ساپارى بارىسىندا ءبىزدىڭ مەملەكەتتەرىمىزدىڭ باسشىلارى قول قويعان قر-قحر بىرلەسكەن مالىمدەمەسى ەكى ەل اراسىنداعى جان-جاقتى ستراتەگيالىق سەرىكتەستىكتى ناقتىلادى», - دەدى ا.مامين.
قىتاي قازاقستاننىڭ اسا ءىرى ساۋدا سەرىكتەسى. سوڭعى ۋاقىتتا ەكى ەل اراسىنداعى ساۋدا كولەمى ەداۋىر ارتتىرىلدى. 2019 جىلدىڭ 8 ايىندا ەكىجاقتى ساۋدا كولەمى 26%-عا ارتىپ, $9,2 ملرد قۇرادى.
تاراپتار ساۋدا-ەكونوميكالىق, يندۋستريالىق, ينۆەستيتسيالىق, ەنەرگەتيكالىق, كولىك-لوگيستيكالىق ىنتىماقتاستىق, اۋىل شارۋاشىلىعى ونىمدەرىن ءوندىرۋ جانە وڭدەۋ, ەلەكتروندى ساۋدا, احقو دامىتۋ سالالارىنداعى ءوزارا ءىس-قيمىل, سونداي-اق ترانسشەكارالىق وزەندەردى پايدالانۋ جانە قورعاۋ ماسەلەلەرىن تالقىلادى.
