تۇڭعىش پرەزيدەنت – ەلباسى 2019 جىلدى جاستار جىلى دەپ جاريالادى. پرەزيدەنت قاسىم-جومارت توقاەۆ ءوزىنىڭ سايلاۋالدى ناۋقانىنىڭ باعدارلاماسىندا مەملەكەتتىك قىزمەتتىڭ وزگەرۋى, جاڭعىرتىلۋى ءتيىس ەكەنىن ايتتى, مەملەكەتتىك قىزمەتكە جوعارى دەڭگەيلى قۇزىرەتتەرگە يە, زاماناۋي بەتالىستاردان حاباردار جاستاردى تارتۋ قاجەت.
پرەزيدەنت باستاماسى بويىنشا جاستاردى قولداۋ اياسىندا ەلىمىزدە العاش رەت پرەزيدەنتتىك جاستار كادرلىق رەزەرۆىنە ىرىكتەۋ باستالدى.
ا. جايىلعانوۆانىڭ ايتۋىنشا, قازىرگى كەزدە ىرىكتەۋدىڭ بارلىق راسىمدەرى مىندەتتى تۇردە قر پرەزيدەنتىنىڭ جارلىعىمەن بەكىتىلگەن رەزەرۆتى قالىپتاستىرۋ ەرەجەلەرىنە سايكەس جۇرگىزىلەدى.
الەۋەتتى رەزەرۆشىلەردى ىرىكتەۋ 6 كەزەڭنەن تۇرادى:
1. قاتىسۋشىلاردى تىركەۋ جانە قۇجاتتاردى قابىلداۋ;
2. ۇمىتكەرلەردىڭ تەستىلەۋ;
3. تەستىلەۋدى تەكسەرۋ;
4. الەۋەتىن باعالاۋ (ەسسە, قۇزىرەتتەرىن باعالاۋ, جوبالاردى تانىستىرۋ);
5. قاتىسۋشىلاردىڭ ساراپشىلار كوميسسياسىمەن اڭگىمەلەسۋى;
6. قاتىسۋشىلاردىڭ كانديداتۋراسىن ۇلتتىق كادرلىق رەزەرۆ كوميسسياسىندا قاراستىرۋ.
«ىرىكتەۋگە قاتىسۋ ءۇشىن باستاپقى تىركەۋدەن 13212 ادام ءوتتى. ونىڭ ىشىندە 7312 ادام تىركەۋدەن سوڭىنا دەيىن ءوتتى. ۇمىتكەرلەر اراسىندا قازاقستاننان تىس جەردە جۇرگەن 46 ادام بار. ولاردىڭ باسىم بولىگى رەسەيدەن – 10 ادام, اقش-تان – 4 ادام, ۇلىبريتانيادان – 3 ادام, تۇركيادان – 3 ادام», — دەدى قر مقسا توراعاسى.
قازىرگى كەزدە باستاپقى ءۇش كەزەڭى اياقتالدى – قاتىسۋشىلاردىڭ قۇجاتتارى قابىلدانىپ, ۇمىتكەرلەر تەستىلەۋدەن ءوتتى, تەستىلەۋ تەكسەرىلدى.
«قابىلەتتەرىن تەستىلەۋ» كەزەڭى ا.ج. 12 قازاندا اياقتالدى. تەست ۇمىتكەرلەردىڭ كۇردەلى اقپاراتپەن جۇمىس ىستەۋ قابىلەتتەرىن انىقتاۋعا باعىتتالدى جانە ەكى بلوكتان قۇرالدى – ۆەربالدى جانە ساندىق. بۇل ولاردىڭ ساراپتامالىق جانە سىندارلى ويلاۋ جۇيەسىنىڭ دەڭگەيىن, لوگيكاسىن انىقتاۋعا مۇمكىندىك بەردى.
قابىلەتتىلىكتەردى تەستىلەۋگە 5745 ۇمىتكەر قاتىستى. بۇل كەزەڭ ناتيجەلەرىن ەسەپتەۋ اۆتوماتتاندىرىلعان رەجيمدە ءوتتى. ناتيجەلەرى ۇمىتكەرلەر تەستىلەۋدەن وتكەن سوڭ بىردەن pkrezerv.kz سايتىندا قاتىسۋشىلاردىڭ ۆيرتۋالدى جەكە كابينەتتەرىندە قولجەتىمدى بولدى. ودان سوڭ ناتيجەلەر وڭدەلىپ, باللدارىمەن جالپى رەيتينگ اگەنتتىك سايتىندا جانە Pkrezerv.kz سايتىندا جاريالاندى.
ۇلتتىق كوميسسيا رەزەرۆكە ىرىكتەۋدىڭ كەلەسى كەزەڭىنە جىبەرىلەتىن ۇمىتكەرلەردىڭ شەكتى سانىن انىقتادى.
وسىلايشا, تەستىلەۋىن تەكسەرۋگە 1000 ارتىق ادام جىبەرىلمەيدى.
● كەلەسى «الەۋەتىن باعالاۋ» كەزەڭىنە — 600-دەن اسپايتىن ادام;
● ساراپتامالىق كوميسسيادا اڭگىمەلەسۋگە – 400-دەن اسپايتىن ادام;
● ۇلتتىق كوميسسيا وتىرىسىنا – 330-دان اسپايتىن ادام جىبەرىلەدى.
وسىلايشا, بەكىتىلگەن تالاپتار نەگىزىندە, تەستىلەۋىن تەسكەرۋگە جىبەرىلگەن 902 ۇمىتكەر كەمۋ بويىنشا قاراپايىم رانجيرلەۋ ادىسىمەن انىقتالدى.
قازىرگى كەزدە تەكسەرۋ قورىتىندىلارى بويىنشا 549 قاتىسۋشى ىرىكتەۋدىڭ كەلەسى كەزەڭى – «الەۋەتىن باعالاۋ» كەزەڭىنەن ءساتتى ءوتتى.
«اشىقتىق ءۇشىن ازاماتتارعا ىرىكتەۋگە قاتىسۋشىلار تۋرالى اقپارات قولجەتىمدى ەكەنىن ايتقىم كەلەدى. ءاربىر ىرىكتەۋدەن سوڭ ءبىز كەلەس كەزەڭگە وتكەندەردىڭ ءتىزىمىن جاريالايمىز. ماسەلەن, “الەۋەتىن باعالاۋ” كەزەڭىنە جىبەرىلگەندەردىڭ سانىمەن جالپى رەيتينگ pkrezerv.kz ونلاين-پلاتفورماسىندا جانە ءبىزدىڭ اگەنتتىك سايتىندا جاريالاندى», — دەدى ا. جايىلعانوۆا.
«الەۋەتىن باعالاۋ» ىرىكتەۋىنىڭ كەلەسى كەزەڭى 2019 جىلعى 22 قازان جانە 3 قاراشا ارالىعىندا وتەدى. بۇل كەزەڭدە 3 قۇراۋىش قامتىلعان: ەسسە جازۋ, جوبانى تانىستىرۋ, قۇزىرەتتەرىن باعالاۋ. ەسسە جازۋ جانە جوبالار پرەزەنتاتسياسى بەينە جانە اۋديوفيكساتسيا ارقىلى pkrezerv.kz اۆتوماتتاندىرىلعان جۇيەسىندە ونلاين جۇرگىزىلەدى.
ىرىكتەۋدىڭ ءار كەزەڭىن ءتيىستى قىزمەت سالاسىنىڭ ماماندارى باعالايدى. قازىرگى ۋاقىتتا ەسسە مەن جەكە جوبا جۇمىستارىن باعالاۋ ءۇشىن ساراپشىلار پۋلى انىقتالعان جانە ونىڭ قۇرامىنا اكادەميالىق ورتا, مەملەكەتتىك قىزمەتكەرلەر جانە كاسىبي قوعامدىق بىرلەستىكتەر مەن زەرتتەۋ مەكەمەلەرىنىڭ وكىلدەرى كىرەدى.
كانديداتتىڭ ءاربىر ەسسەسىن جانە جوبالىق جۇمىسىن ءبىر ۋاقىتتا ءۇش ساراپشى ونلاين رەجيمدە باعالايدى. قورىتىندى باعا ساراپشىلاردىڭ باعالارىنىڭ ورتاشا مانىنەن قۇرىلادى.
قۇزىرەتتىلىكتى باعالاۋ تۋرالى ايتار بولساق, ونى وتكىزۋ ءۇشىن ارنايى وقۋدان وتكەن سەرتيفيكاتتالعان باعالاۋشىلار تارتىلادى. سونداي-اق, بىلىكتىلىكتى باعالاۋ راسىمدەرىنىڭ ساپاسىن ارتتىرۋ ءۇشىن باعالاۋشىلاردان كەيڭن كاسىبي سۋپەرۆيزورلار قارايدى.
جالپى, كانديداتتاردىڭ الەۋەتىن باعالاۋ كەزەڭىن قاراشانىڭ 20 كۇندەرى اياقتاۋ كوزدەلگەن.
كانديداتتاردىڭ ساراپشىلار كوميسسياسىمەن سۇحباتتاسۋى 27 قاراشا مەن 13 جەلتوقسان ارالىعىندا وتەدى. بۇل كەزەڭدە الدىنعى ىرىكتەۋ كەزەڭدەرىندەگى ۇپايلار جيىنتىعى بويىنشا ەڭ جاقسى ناتيجەلەردى كورسەتكەن 400-گە جۋىق ادام جىبەرىلەدى.
ساراپتامالىق كوميسسيا وتىرىسىنىڭ قورىتىندىسى بويىنشا ۇلتتىق كوميسسيانىڭ قاراۋىنا ۇسىنىلاتىن, 330-دان اسپايتىن ەڭ جاقسى قاتىسۋشىدان تۇراتىن ءتىزىم جاسالادى. رەزەرۆكە قابىلداۋ تۋرالى تۇپكىلىكتى شەشىمدى ۇلتتىق كوميسسيا قابىلدايدى. ء«اربىر كانديدات ءوزىنىڭ ناتيجەسىن ۇنەمى قاداعالاي الۋى ءۇشىن, ءبىز قاتىسۋشىلارعا سايتتا وزدەرىنىڭ جەكە كابينەتىندە ءوز رەيتينگتەرىن قاداعالاي الاتىن مۇمكىندىك بەردىك», — دەدى اگەنتتىك توراعاسى.
تەستىلەۋدى تەكسەرۋ كەزەڭىنەن باستاپ, ءاربىر كەلەسى كەزەڭ ءۇشىن مۇمكىن بولاتىن 100% شامانىڭ بەلگىلى ءبىر پايىزى كەلەدى. سونىمەن تەكسەرۋگە 10%, جوبانى تانىستىرۋعا – 9%, ەسسەگە – 15%, قۇزىرەتتىلىكتى باعالاۋعا – 36%, سۇحباتتاسۋعا –30%.
