تەحنولوگيا • 22 قازان، 2019

ەلوردادا تاموس عارىش مەكتەبى اشىلادى

23 رەتكورسەتىلدى

بۇل تۋرالى ۇلتتىق عارىش ورتا­لى­­عىندا وتكەن «Tamos Space School» (تاموس عارىش مەكتەبى) جەكە مەكتەبىنىڭ قۇرىلىسىنا ال­عاش­­قى تاس قالاۋ راسى­مىندە ايتىلدى.

سالتاناتتى جيىندا ءسوز العان مەملەكەت جانە قوعام قايراتكەرى، پرو­فەس­سور-عالىم ءادىل احمەتوۆ وسى­دان شيرەك عا­سىر بۇرىن «Tamos Education» مەك­تە­بىنىڭ نەگىزى قالانعانىن، وسى برەندتى يەمدەنىپ وتىرعان جاڭا مەكتەپ­تىڭ بولاشاققا بەرەرى مول بولارىنا سەنەتىنىن جەتكىزدى. «ۇل­كەن وداق ىدىراپ جاتقان سوناۋ توقسانىنشى جىلدارى ءبىلىم سالاسىندا جاڭا برەند قالىپ­تاس­تىرۋ – ۇلكەن باتىرلىق. سون­داي يگى ءىستىڭ باسى-قاسىندا داۋرەن قاۋپىنباەۆ ءجۇردى. لين­گۆيستيكالىق جانە فيزيكا-ماتە­ما­تيكالىق باعىتتاعى قوس مەكتەپ ءبىلىم بەرۋ نارىعىندا 25 جىلدان بەرى جۇيەلى جانە جەمىستى جۇمىس ىستەپ كەلەدى. مىنە، بۇگىن ۇلكەن ءىس قولعا الىنىپ وتىر. مەملەكەت باسشىسى قاسىم-جومارت توقاەۆ ساباقتاستىقپەن قاتار پروگرەسس كەرەگىن ايتتى. ءبىلىم مەن عىلىم العا جىلجىمايىن­شا دامۋ بولمايدى»، دەدى. ونىڭ ويىنشا، تەحنيكا مەن تەحنولوگيا سالاسىندا ماماندار دايارلاۋ تۇرعىسىنان ەلىمىز ءالى مەشەۋلەۋ، الەم ەلدە­رى­مەن سالىستىرعاندا ارتتا كەلەدى. سوندىقتان باس قالادا مۇنداي مەكتەپ ىرگەتاسىنىڭ قالانۋى اسا ماڭىزدى. ويتكەنى جاڭا زامانعا عارىشتى يگەرەتىن جاڭا ماماندار كەرەك. ال ساپالى كادرلاردىڭ ءبىلىم-بىلىك داعدىلارى وسىنداي مەكتەپتە قالىپتاسادى.

جەكە مەكتەپتى جەكە ينۆەستور­لار داۋرەن قاۋپىنباەۆ پەن باقتيار بەكوجانوۆ مالايزيالىق «Kind Devolopment» كومپانيا­سىمەن بىرلەسىپ قولعا الىپ وتىر. قۇرىلتايشىلاردىڭ ءبىرى ب.بەكوجانوۆتىڭ ايتۋىنشا، ءبىلىم وشا­عى 2020 جىلعى جاڭا وقۋ جىلىندا وقۋشىلارعا ەسىگىن اشادى. الدىمەن فيزيكا-ماتەماتيكا باعى­تى بويىنشا 0-4 سىنىپتارعا بالالار قابىلداناتىن كورىنەدى. «مەكتەپ 3 قاباتتى بولادى، 800 ورىنعا لايىقتالعان. مەكتەپتىڭ ارتىندا قوسىمشا ەكى عيمارات بوي كوتەرەدى. وندا سپورت زال مەن اسحانا بولادى. قازىرگى تاڭدا قۇرىلىستىڭ ورىنى بەلگىلەندى، كەلەر جىلى قىركۇيەكتە ىسكە قوسۋدى جوسپارلاپ وتىرمىز. ارينە ءبىز مەملەكەتتىڭ قولداۋىن­سىز وسىنداي اۋقىمدى جانە جا­ۋاپ­­كەرشىلىگى زور جوبانى باس­تا­ماس ەدىك. وسى ورايدا ەلوردا اكىمدىگىنە العىس ايتامىز»، دەيدى. اتالعان ينۆەستور ءوز قارجىسىن قايتارۋدان بۇرىن بالالاردىڭ ءبىلىم الۋىنا جاعداي جاساۋدى كوزدەيتىنىن تىلگە تيەك ەتتى. ونىڭ پايىمداۋىنشا، بۇل – بولاشاققا سالىنعان ينۆەستيتسيا.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار