ماجارستاننىڭ بەرەتتوۋيفالۋ قالاسىندا وتكەن باسەكەدە سىنعا تۇسكەن «قايرات» كومانداسى ءۇش ويىن وتكىزىپ, بىرەۋىندە عانا جەڭىسكە جەتتى. العاشقى ەكى ويىندا قارسىلاستارىنا ەسە جىبەرگەن وتانداستارىمىز سوڭعى تۋردا الاڭ يەلەرى – «بەرەتتوۋيفالۋ» كلۋبىن 3:0 ەسەبىمەن تىزە بۇكتىرىپ, توپتا ءۇشىنشى ورىن يەلەندى. جارىس ەرەجەسى بويىنشا ەليتالىق كەزەڭگە توپتا العاشقى ءۇش ورىنداعى كوماندالار جولداما الادى.
ال ليتۆانىڭ كاۋناس قالاسىندا وتكەن دودادا باق سىناعان رۋدنىيدىڭ «اياتى» دا ءتۋرنيردىڭ ەليتالىق كەزەڭىندە ويناۋعا مۇمكىندىك الدى. ءبىر ويىندا جەڭىسكە جەتىپ, ەكى ماتچتا جەڭىلگەن «ايات» ءۇشىنشى ورىنمەن كەلەسى كەزەڭگە جولداما الدى. چەمپيوندار ليگاسىنىڭ ەليتالىق كەزەڭى 19-24 قاراشا كۇندەرى وتەدى. ال فينالدىق باسەكە 2020 جىلدىڭ 23-26 ءساۋىر كۇندەرىنە جوسپارلانعان.
