قوعام • 10 قازان، 2019

شەتەلدە تەگىن وقۋعا بولادى

29 رەتكورسەتىلدى

الەمنىڭ 50 مەملەكەتىنەن 300-گە جۋىق ۋنيۆەرسيتەت ماماندارى قاتىسقان اۋقىمدى شارادا شەتەلدىك جوعارى وقۋ ورىندارىنىڭ وكىلدەرى ءوز باعدارلامالارىن تانىستىرىپ، جەرگىلىكتى جاستارعا شەتەلدە ءبىلىم الۋدىڭ جولدارىن ءتۇسىندىردى.

كورمەگە كەلگەن ساراپ­شى­لار­­دىڭ پىكىرىنشە، قازىرگى تاڭدا ەۋ­رو­­پالىق 200-دەي ۋنيۆەرسيتەت قازاقستاندىق ستۋدەنتتەرگە گرا­نت ءبولىپ وتىر. ياعني 20 مىڭ قا­زاقستاندىقتىڭ ەۋروپا ەلدە­رىن­دە ءبىلىمىن جەتىلدىرۋگە مۇم­كىن­­دىگى بار. بۇگىندە 150 مىڭ وت­ان­داسىمىز سىرت مەملەكەتتە وقىپ جاتىر. 2025 جىلعا دەيىن ولار­دىڭ سانى 400 مىڭعا جەتۋى مۇم­كىن. حالىقارالىق بىلىممەن جۇيەلى اينالىسىپ جۇرگەن ساراپشى جانبولات مەلدەشوۆ مۇنداي شارا قازاق جاستارىنىڭ ساپالى ءبىلىم الۋىنا جاقسى مۇمكىندىك بەرە­تىنىن ايتادى.

– بىزدەگى مەكتەپ تۇلەكتەرىنىڭ 34 پايىزى عانا جوعارى بىلىم­مەن قامتىلادى. شەتەلدە بۇل كورسەتكىش 50 پايىزدى قۇرايدى. ەگەر قازاقستان الەم ەلدەرىندەگى وسىنداي كورسەتكىشكە قول جەت­كىز­­سە، قازىرگى تاڭدا وتاندىق جوو-لاردا 800 مىڭنان اسا ستۋدەنت وقۋى كەرەك ەدى. بىرىنشىدەن، جو­عارى ءبىلىم الۋشىلاردىڭ بار­­لىعى بىردەي قازاقستاندىق ۋني­­ۆەرسيتەتتەرگە سىيمايدى. ەكىن­شىدەن، بىزدەگى كەي جوو-لاردىڭ ساپاسى كوڭىل كون­شىت­پەيدى. ءۇشىنشى ءبىر سەبەپ، ەلى­مىز­دە كەيبىر ماماندىقتار دايار­لانبايدى. بارىنەن بۇرىن حالىق­ارالىق ءبىلىم حالىقارالىق دەڭگەيدەگى مامان بولۋعا جاعداي جاسايدى. فرانتسيا ءتۋريزمدى تەگىن وقىتادى، گەرمانيا ينجەنەرلىك ماماندارعا گرانت بولەدى. نەگە وسىنداي مۇمكىندىكتى پايدالانىپ، بالالارىمىزدى وقىتىپ الماسقا! بىزدە ديپلومى بار ادام كوپ، بىراق ءبىراز سالادا مامان جەتىسپەيدى. مۇنداي ماسەلەنى شەشۋدىڭ ءبىر جولى – شەتەلدىڭ قىمبات وقۋىنا قالتادان قارجى تولەمەي، تەگىن قول جەتكىزىپ، سۇرا­نىس­تاعى مامان بولۋ. ال وسىنداي مۇمكىندىكتەردى جاستارىمىز بىلە بەرمەيدى، – دەيدى ج.مەلدەشوۆ.

كورمەنى ۇيىمداستىرىپ وتىر­عان Bolashaq Development Fund توراعاسى الماس ساتىلعانوۆ شارانىڭ جىل سايىن وتكىزىلەتىنىن جەتكىزدى.

– وسى كورمەگە شەتەلدە وقى­عى­سى كەلەتىندەر ءوزى قالاعان مەم­لە­كەتىنىڭ ۋنيۆەرسيتەتتەرىمەن قارىم-قاتىناس ورناتىپ، ولار­دىڭ پايدالى كەڭەسىمەن بولا­شاق­تا سول ەلدەرگە بارۋىنا مۇمكىندىك الىپ جاتىر. بىلتىر 5 مىڭ قازاق­­ستاندىق شەتەلدىك ۋنيۆەرسيتەتتەرگە وقۋعا ءتۇستى، – دەيدى ۇيىم­داستىرۋشى.

ايتا كەتەيىك، شارانى قولعا العان كوممەرتسيالىق ەمەس ۇيىم ادام كاپيتالىن دامى­تۋ، ءبىلىم بەرۋ ورتاسىن جاق­سار­تۋ ماق­سا­تىن­دا قازاقستان جاس­تارىنىڭ كاسىبيلىگى مەن شىعار­ما­شىلىعىن نىعايتۋدى، سونىمەن قاتار الەم­دىك ۋنيۆەرسيتەتتەر مەن جەرگى­لىك­تى جوعارى وقۋ ورىن­دارىنىڭ تاجىريبە الماسۋىن كوزدەيدى.

1807 جىلى قۇرىلعان گەرما­نيا­داعى FHWS تەحنيكالىق ۋني­ۆەرسيتەتىنىڭ شىعىس ەۋروپا بويىنشا ۇيلەستىرۋشىسى ناتاليا كۋدەليا قازاقستاندىق جاستاردىڭ بىلىمگە دەگەن قۇشتارلىعى قۋان­تار­لىق ەكەنىن ايتادى.

– نازارباەۆ زياتكەرلىك مەك­تە­­­بىنىڭ تۇلەكتەرى جان-جاقتى دامى­عان. اعىلشىن ءتىلىن جەتىك مەڭگەرگەن. ولاردىڭ وقۋعا قۇش­تار­لىعى دا جوعارى. اسىرەسە فيزيكا، ماتەماتيكا پاندەرىنەن العىر ەكەنىن بايقادىق. بيىل ءبىزدىڭ ۋنيۆەرسيتەتىمىزگە 30-عا جۋىق قازاق ستۋدەنتى كەلدى. ءالى دە قۇجات تاپسىرىپ جاتقاندار بار. الداعى ۋاقىتتا ءبىزدىڭ ۋنيۆەرسيتەتتەگى شەتەلدىك ستۋدەنتتەر سانى 150-دەي بولسا، سونىڭ ۇشتەن ءبىرى قازاقستاندىقتار بولادى دەپ جوس­پارلاپ وتىرمىز، – دەيدى ن.كۋدەليا.

شارادا شەت مەملەكەتتە ءبىلىم الۋدىڭ جولدارى عانا ەمەس، تسيفر­لى تەحنولوگيا، ءبىلىم جۇيە­سىن جەتىلدىرۋ ماسەلەلەرى تالقى­لان­دى. سەمينارلار مەن ترەنينگتەر ۇيىمداستىرىلدى. ءبىلىم كورمە­سىنە كەلۋشىلەر ارنايى گرانت­تار مەن جەڭىلدىكتەر تۋرالى تا­نىم­دىق اقپارات الدى. اقش، ۇلىبريتانيا، ەۋروپا مەن تمد ەلدەرىنىڭ وزىق ۋنيۆەر­سي­تەت­تە­رىنەن كەلگەن كورمە الداعى كۇندەرى ەلىمىزدىڭ بىرنەشە قالا­سىندا جالعاسىن تاپپاق. ناق­تى­راق ايتساق، شىمكەنتتە 8-9 قازان (Rixos Khadisha)، الماتىدا 11-13 قازان (بالۋان شولاق اتىنداعى سپورت جانە Mادەنيەت كەشەنى)، اتىراۋدا 14 قازان (Sultan Palace)، ورالدا 15 قازان (حاديشا بوكەەۆا اتىنداعى قازاق دراما تەاترى) جانە اقتوبەدە 16 قازان (ونەر ورتالىعى) كۇنىنە جوسپارلانىپ وتىر.

سوڭعى جاڭالىقتار

ۇقساس جاڭالىقتار