ۇستازدار كۇنىنە وراي وتكىزىلگەن دوڭگەلەك ۇستەل جۇمىسىن مودەراتور, ساياساتتانۋشى ەرلان سايروۆ ءبىلىم بەرۋ سالاسى قىزمەتكەرلەرىن كاسىبي مەرەكەسىمەن قۇتتىقتاۋدان باستادى. «الەم قازىر كۇن سايىن وزگەرىپ, جاڭا ءبىر تەحنولوگيالىق دەڭگەيگە كوتەرىلىپ كەلە جاتىر. ال جاڭا زامانعا لايىق تۇلعالاردى مۇعالىمدەر قالىپتاستىرادى. ولاردىڭ الەۋمەتتىك مارتەبەسىن كوتەرۋ ماسەلەلەرى مەملەكەت باسشىسى قاسىم-جومارت توقاەۆتىڭ حالىققا جولداۋىندا قامتىلدى. بىراق بۇدان دا ماڭىزدىسى – ۇندەۋدەگى تاپسىرمانىڭ ورىندالۋى, ىسكە اسىرىلۋى», دەگەن ە.سايروۆتىڭ ويىنشا, مۇعالىمدەر ايلىعىنىڭ 25 پايىزعا كوبەيۋى, سىنىپ جەتەكشىلىگى مەن داپتەر تەكسەرگەنى ءۇشىن بەرىلەتىن قوسىمشا اقى, سونداي-اق دەمالىس كۇندەرىنىڭ ۇزارتىلۋى پەداگوگتاردىڭ الەۋمەتتىك مارتەبەسىن ارتتىرۋعا جاعداي جاسايدى.
جيىندا ءسوز العان ءبىلىم جانە عىلىم ۆيتسە-ءمينيسترى رۇستەم ايداربەك ۇلى جاڭادان ازىرلەنىپ, قازىر پارلامەنت قابىرعاسىندا قارالىپ جاتقان «پەداگوگ مارتەبەسى تۋرالى» زاڭ جوباسىندا مۇعالىمدەردى ىنتالاندىرۋ, جاۋاپتى جۇمىسىن باعالاۋ ماقساتىندا «قازاقستاننىڭ ەڭبەك سىڭىرگەن ۇستازى» اتاعى بەرىلەتىنىن اتاپ ءوتتى. مينيسترلىك وكىلى سونىمەن قاتار كەلەر جىلدان باستاپ ماگيستر دارەجەسى بار پەداگوگتارعا 10 ايلىق ەسەپتىك كورسەتكىش كولەمىندە قوسىمشا اقى تولەنەتىن جاڭا نورما كۇشىنە ەنەتىنىن ايتتى. ر.ايداربەك ۇلىنىڭ كەلتىرگەن دەرەگىنە سايكەس, قازىر مەكتەپتەردە جۇمىس ىستەيتىن ماگيسترلەردىڭ سانى تىم از, ياعني بار-جوعى 5 مىڭ عانا بولىپ تۇر. ۆيتسە-مينيستر مۇعالىمدەر مەكتەپتە شەبەرلىگىمەن بىرگە وزدەرىنىڭ بىلىكتىلىگىن دە ارتتىرىپ, عىلىم سالاسىن دامىتۋعا ۇلەس قوسۋى قاجەت.
ال قازاقستاندىق سالالىق ءبىلىم جانە عىلىم قىزمەتكەرلەرى كاسىپوداعى ءتورايىمىنىڭ ورىنباسارى ايگۇل ماقساتقىزى اتالعان جاڭا زاڭ جوباسىن ازىرلەۋ بارىسىندا قارالعان پەداگوگتار ۇسىنىستارىنىڭ 90 پايىزى زەينەتكەرلىك جاستىڭ قىسقارتىلۋىنا بايلانىستى بولعانىنا توقتالدى. ء«بىز بۇل ۇسىنىستى كاسىپوداق ۇيىمى رەتىندە قولدايمىز. ارينە, ۇسىنىستىڭ قولداۋ تابۋى ەلدىڭ ەكونوميكالىق جاعدايىنا بايلانىستى بولادى. بىراق ءبىز جاڭا زاڭ جوباسىن قابىلدايتىن بولساق, ۇستازداردىڭ مارتەبەسى قوعام الدىندا بيىك ەكەنىن جالاقىسىنىڭ جوعارى بولۋىمەن جانە زەينەتكە ەرتەرەك شىعۋ قۇقىعىن بەرۋ ارقىلى كورسەتۋىمىز كەرەك. ۇستاز مارتەبەسى – ۇلت مارتەبەسى. سەبەبى ەل بولاشاعى وسى ءبىر قاۋىمنىڭ قولىندا بولماق», دەيدى.
