ەستەرىڭىزگە سالا كەتەيىك, ۇلىتاۋ حالىقارالىق دەڭگەيدەگى ەتنوگرافيالىق ءتۋريزمنىڭ ورتالىعىنا اينالۋى ءتيىس. بۇل تۋرالى قاسىم-جومارت توقاەۆ « ۇلىتاۋ – 2019» حالىقارالىق تۋريستىك فورۋمىندا ايتتى.
– ءتۋريزمدى دامىتۋ ءۇشىن مادەنيەت جانە سپورت مينيسترلىگى مەملەكەتتىك باعدارلاما ازىرلەۋدە. ول التىن وردانىڭ 750 جىلدىعىن مەرەكەلەۋگە ارنالعان كوپتەگەن تۋريستىك ءىس-شارا وتكىزۋدى كوزدەيدى. قازىرگى ۋاقىتتا باستى مىندەت – ارنايى تۋريستىك تۇجىرىمدامانى ازىرلەۋ. بۇل باعىتتاعى جۇمىستار جونىندە مادەنيەت جانە سپورت ۆيتسە-ءمينيسترى نۇرعيسا داۋەشوۆ ايتىپ ءوتتى.
بەردىبەك ساپارباەۆ سونداي-اق اۋدان ورتالىعىنداعى تۋريستىك ساپار-ورتالىق قۇرىلىسىنىڭ بارىسىمەن تانىستى. جوسپار بويىنشا مۇندا تۋريستەرگە ارنالعان 15 ورىندىق قوناقۇي ۇلگىسىندەگى جاتاقحانا, مۇراجاي, 2 كونفەرەنتس-زال, اسحانا بولادى. پرەمەر-ءمينيستردىڭ ورىنباسارىنا سونداي-اق ءوڭىردىڭ تاريحي-مادەني ورىندارى بويىنشا تۋريستىك باعىتتار, تاريحي ەسكەرتكىشتەردى قالپىنا كەلتىرۋ جۇمىستارى, بۇرىن وتكىزىلگەن تۋريستىك ءىس-شارالار ۇسىنىلدى.
بەردىبەك ساپارباەۆ ۇلىتاۋ اۋدانىنىڭ ولكەتانۋ مۇراجايىنىڭ قۇرىلىسىمەن تانىستى. جوبا بويىنشا عيمارات 2 قاباتتان تۇرادى, ونىڭ الاڭى 830 شارشى مەتر. قازىر نەگىزگى قۇرىلىس جۇمىستارى اياقتالۋدا, قازاندىق ورناتۋ, ىشكى جانە سىرتقى وڭدەۋ جۇمىستارى ءجۇرىپ جاتىر.
ۆيتسە-پرەمەر مادەنيەت جانە سپورت مينيسترلىگىنە, وبلىس جانە اۋدان اكىمدىگىنە ساپار ورتالىعى مەن مۇراجايدىڭ جۇمىسىن ءتيىمدى پايدالانۋ جانە ۇيىمداستىرۋ, جەرگىلىكتى تۇرعىنداردى قۇرىلىس-مونتاج جۇمىستارىنا تارتۋ جونىندە ۇسىنىستار دايىنداۋدى تاپسىردى.
بەردىبەك ساپارباەۆ سونداي-اق اۋداندىق ەمحانادا بولدى. كەلەسى جىلى ونىڭ جانىندا اۋداندىق ورتالىق اۋرۋحانانىڭ قۇرىلىسى باستالادى. بۇگىنگى كۇنى قۇرىلىس ءۇشىن جەر تەلىمى ءبولىنىپ, قاراجات قاراستىرىلعان. اۋدانى 2000 شارشى مەتر بولاتىن اۋرۋحانانىڭ 3 قاباتتى عيماراتىنىڭ قۇرىلىسى كەلەسى جىلى باستالىپ, 2021 جىلى اياقتالۋى ءتيىس.
«ەگەمەن-اقپارات»
