جاھاندىق ءسامميتتىڭ سپيكەرى رەتىندە Pokemon GO ويىنىنىڭ جاساۋشىلارى, كۋالا-ءلۋمپۋردىڭ ساۋلەتشىلەرى جانە تاعى باسقا قىزىقتى تۇلعالار قاتىسادى. ەلوردادا بۇگىنگى تاڭدا جاڭا تەحنولوگيالار قولدانىلۋدا. مىسال رەتىندە گادجەتتەردى قۋاتتاۋعا مۇمكىندىك بەرەتىن جىلى ايالدامالار, كۇن باتارەيالارى مەن ۆەلوسيپەدتەرگە ارنالعان تۇراقتى كەلتىرۋگە بولادى.
وسىعان وراي, UNWTO-نىڭ «اقىلدى قالالار – اقىلدى دەستيناتسيالار» VIII جاھاندىق ءسامميتىن قابىلدايتىن نۇر-سۇلتان قالاسىنىڭ تاڭداۋى تاڭعالدىرمايدى. UNWTO – 1975 جىلدان باستاپ بۇۇ جۇيەسىندەگى بەلەدى تۋريستىك ۇيىم. شارا قازىرگى ۋاقىتتا كوپتەگەن مەملەكەتتەردە ەنىپ جاتقان «اقىلدى قالالارعا» ارنالادى. اقىلدى قالالاردىڭ ارقاسىندا ەكولوگيالىق قالالىق ينفراقۇرىلىم, قىلمىس دەڭگەيىن ازايتۋ, تۇرعىندار مەن قالاعا كەلەتىن تۋريستەردىڭ ءومىرى جايلى جانە قاۋىپسىز بولىپ وتىر.
سامميتتە اقىلدى قالالار ءجيى تاپ بولاتىن الەۋمەتتىك-ەكونوميكالىق پروبلەمالار تالقىلانادى دەپ جوسپارلانعان. باعدارلامادا UNWTO اكادەمياسى مەن حالىقارالىق كونگرەسستەر جانە كونفەرەنتسيالار (ICCA) قاۋىمداستىعى ۇيىمداستىرعان كەزدەسۋ يندۋسترياسى بويىنشا شەبەرلىك ساعاتتارى بار.
