جىلىنا 10 ميلليون قالبىر كونسەرۆىلەنگەن ءونىم شىعاراتىن زاۋىتتىڭ جۇمىسىمەن قالا اكىمى ەرلان ايتاحانوۆ ارنايى تانىستى. وتاندىق ونiمدەرگە سۇرانىستى ارتتىرۋ ءۇشiن تاۋار ساپاسىنا كوڭiل ءبولۋ كەرەكتiگiن ايتقان شاھار باسشىسى قازىرگى ەكونوميكالىق جاعدايدا نارىقتا باسەكەگە قابىلەتتىلىك وتە ماڭىزدى ەكەنىنە توقتالدى.
«قالا تۇرعىندارى مەن قوناقتارىن جەرگىلىكتى ازىق-ت ۇلىك تاۋارلارىمەن قامتاماسىز ەتۋ ماقساتىندا ازىق-ت ۇلىك بەلدەۋى ايماعىندا قاجەتتى ءوندىرىستى قۇرۋ, ەلىمىزدىڭ وزگە وڭىرلەرىنە ونىمدەرىمىزدى تۇراقتى تۇردە جەتكىزۋگە جاعداي جاساۋ, ازىق-ت ۇلىك باعاسىن ءبىر جۇيەگە كەلتىرۋ, جىلىجاي ماسەلەلەرى مەن شىمكەنتتىڭ ساۋدا ينفراقۇرىلىمىن دامىتۋ ءبىزدىڭ نەگىزگى مىندەتتەرىمىزدىڭ ءبىرى», دەدى ەرلان قۋانىش ۇلى. سونداي-اق قالا اكىمى كۇنىنە
3 توننا ءسۇت وندىرەتىن «زەرتاس» شارۋا قوجالىعىن ارالاپ كوردى. مۇندا 128 باس اسىل تۇقىمدى ءسۇتتى-ەتتى باعىتتاعى ءىرى قارادان قۇرالعان مال شارۋاشىلىعى قۇرىلعان. تاۋارلى ءسۇت فەرماسىندا 15 ادام تۇراقتى جۇمىسپەن قامتىلعان.
ءسۇت ءوندىرۋدى ارتتىرۋ باعىتى بويىنشا اتقارىلىپ جاتقان جۇمىستاردىڭ بارىسىمەن تانىستىرعان سالالىق باسقارما باسشىسى ا.قانىبەكوۆ قالادا «بايتەرەك» شارۋا قوجالىعى تاۋارلى ءسۇت فەرماسىنىڭ قۋاتى 100 باستان 400 باسقا ۇلعايتىلعانىن جانە وسى سىندى بىرقاتار جوبالاردىڭ جۇزەگە اسىپ جاتقانىن اتاپ ءوتتى. بۇدان بولەك, شاھاردا 15 شاعىن وتباسىلىق ءسۇت فەرماسى قۇرىلعان.
اۋىلشارۋاشىلىق باعىتىنداعى نىسانداردى ارالاۋ بارىسىندا قالا باسشىسى «يلياەۆ» سەرىكتەستىگىنىڭ جىلىجاي كەشەنىمەن تانىستى. 2018 جىلى جۇمىسىن باستاعان كەشەننىڭ كولەمى – 2,2 گەكتار. جىلىجاي زاماناۋي قۇرىلعىلارمەن قامتىلعان. ال سەرىكتەستىك قوجايىندارى ەلىمىزدە بۇل سالامەن اينالىسقان العاشقى كاسىپكەرلەردىڭ ءبىرى سانالادى.
شارۋا قوجالىقتىڭ يەلەرىمەن سويلەسۋ بارىسىندا ەرلان ايتاحانوۆ اۋىلشارۋاشىلىق سالاسىن دامىتۋ بويىنشا مەملەكەت تاراپىنان ءتيىستى كومەك كورسەتىلەتىنىن ايتىپ, شارۋالاردىڭ ۇسىنىستارىن تىڭدادى. ايتا كەتەرلىگى, بيىل شىمكەنت قالاسى ونەركاسىپتىك جىلىجاي جوبالارىن ىسكە اسىرۋدا رەسپۋبليكادا كوش باستاپ كەلەدى.
شىمكەنت
