قازاقستان • 04 قازان، 2019

ۇزدىك ۇستازدار ۇلىقتالدى

197 رەتكورسەتىلدى

مۇعالىمدەردىڭ كاسىبي مەرەكەسى قارساڭىندا رەسپۋبليكالىق «ۇزدىك پەداگوگ» بايقاۋىنىڭ جەڭىمپازدارى ماراپاتتالدى. سالتاناتتى شاراعا ءبىلىم جانە عى­لىم ءمينيسترى اسحات اي­ماعامبەتوۆ، قوعام­دىق ماڭىزى بار باس­تا­ما­لاردى دامىتۋ قورى­نىڭ وكىلدەرى، پار­لا­مەنت دەپۋتاتتارى، قازاق­ستاندىق ەسترادا جۇل­دىزدارى، پەداگوگ­تار مەن ءبىلىم بەرۋ سالا­سى­­نىڭ ار­داگەرلەرى قاتىستى.

ماراپاتتاۋ راسىمىندە ءسوز العان ەلىمىزدىڭ باس پەداگوگى ا.ايماعامبەتوۆ بارلىق مەرەكە يەلەرىن قۇتتىقتاپ، اق­جار­­ما تىلەگىن ارنادى. «مۇ­عا­لىم – مەكتەپتىڭ جۇرە­گى»، دەپ قازاقتىڭ باس اقى­نى احمەت بايتۇرسىن ۇلى ايت­­قان­داي، ءتالىم، ءىلىم بەرگەن مۇ­عا­لىمدەرىمىزگە قانداي قۇر­مەت كورسەتسەك تە ارتىق بول­مايدى. سەبەبى بۇل – شىنى­مەن دە جاۋاپتى ءارى ۇلى قىز­مەت»، دەي كەلە ەلىمىزدىڭ بو­لا­شاعى پەداگوگتاردىڭ ەرەن ەڭبەگىنە تىكەلەي بايلا­نىس­تى ەكەنىن تىلگە تيەك ەتتى. مينيستر مەن كوميسسيا مۇ­شە­لەرىنىڭ قولىنان ديپلوم، مەدال ال­عان ۇزدىك ۇستاز­داردىڭ قۇشا­عى گۇلگە تولدى. قازاقستاننىڭ تانىمال ونەر جۇلدىزدارى جۇرەكجاردى لەبىزدەرىن ارناپ، اننەن شاشۋ شاشتى.

رەسپۋبليكالىق باسەكەدە بيىل 178 پەداگوگ باق سىنادى. جەڭىمپازداردى ەلىمىز­دىڭ ۇزدىك پەداگوگتارى، ادىس­تە­مەلىك كابينەتتەردىڭ ادىس­كەر­لەرى، بىلىكتىلىكتى ارتتى­رۋ ينستيتۋتتارىنىڭ وقىتۋ­شى­لارى، كاسىپوداق ۇيىمدارى مەن ۇلتتىق كاسىپكەرلەر پا­لا­تا­سىنىڭ وكىلدەرى، جۋر­ناليس­­تەر مەن دەپۋتاتتار­دان قۇرالعان كوميسسيا انىق­تا­عان. بيىلعى سالتاناتتى شارا جەڭىمپازدار­دىڭ بىرىنە قوعامدىق ماڭىزى بار باس­تامالاردى دامىتۋ قورى­نان «قازاقستان مۇعالىمى» سىي­اقىسىنىڭ بەرىلۋىمەن ەرەك­­­­شە­­لەندى. ال جەڭىمپازدار ارا­­سىن­­­داعى ەڭ ۇزدىك 10 جۇ­مىس «الەم مۇعالىمى-2020» حا­­لىق­ارا­لىق كونكۋرسىنا جىبەرىلمەك.

ايتا كەتەيىك، بيىل 8-ءشى رەت ۇيىمداستىرىلعان باي­قاۋعا وسىعان دەيىن بارلىعى 35 127 پەداگوگ قاتى­سىپ، مەك­تەپكە دەيىن­گى، ورتا، تەحنيكا­لىق جانە كاسىپتىك ءبىلىم بەرۋ جۇيە­سىندەگى 432 پەداگوگ 1000 اەك (بيىلعى بەكى­تىل­گەن مول­شەرگە سايكەس 2،5 ملن تەڭگە­دەن اسادى) كولە­مىن­دە اقشالاي سىياقى­مەن جانە «ۇزدىك پەداگوگ» توسبەلگىسى­مەن ماراپاتتالعان.

الەمنىڭ دامىعان ەل­دەرىن­دە ۇزدىك ۇستازداردى ۇلىق­تاۋ، ماراپاتتاۋ، قۇر­مەت كورسەتۋ سوناۋ 1950 جىلدارداعى «جىل پەداگوگى» بايقاۋىنان باستاۋ العان-دى. امەريكا تاجىريبەسىندە بۇل ۇلتتىق سىيلىق سانالادى. وندا جەڭىمپازدار­عا «جىلدىڭ ۇلتتىق پەداگوگى» دەگەن اتاق بەرەدى، ياعني بايقاۋ دەڭگەيى مەن وسى سىيلىقتىڭ بەدەلى ۇلتتىق ناگرادالارمەن تەڭ تۇرادى. ال بايقاۋ جەڭىمپازىنىڭ ەسىمى ۋيكيپەديا ەنتسيكلوپەدياسىنا ەنگىزىلىپ، اق ۇيدە بولادى جانە ارنايى سىيلىق­تى اقش پرەزيدەنتىنىڭ ءوزى تاپسىرادى. امەريكالىقتار بۇل بايقاۋدا جەڭىمپازدى ءومىربايانى، سۇحباتتاسۋ جانە 8 ەسسەسى بويىنشا انىقتاي­دى. بۇدان بولەك، ۇيىمداس­تىرۋ كوميتەتى ءوز بەتىنشە باي­قاۋ­عا ءوتىنىش بەرگەن قاتىسۋ­شى­نىڭ ارىپتەستەرىنەن، وقۋ­شى­ل­ارىنان جانە ولاردىڭ اتا-انا­لارىنان پىكىر الادى.

ال ەلىمىزدە پارلامەنتتىڭ قاراۋىن­­داعى «پەداگوگ مار­تە­بەسى تۋ­رالى» زاڭ جوباسى ايا­سىن­دا پەداگوگ­تارعا «قازاق­­­ستان­نىڭ ەڭبەك سىڭىر­گەن ۇستازى» مەملەكەتتىك ما­را­پات­تاۋى­نىڭ كوزدەلگەنى كور­سەتىلىپتى. شەتەلدە وتكەن عاسىر­دىڭ ورتاسى­نان ۇلتتىق دەڭ­گەي­­دەگى سىيلىق سانالاتىن ۇس­تاز­­داردىڭ ناگراداسىن مەم­لە­كەتتىك ماراپات قاتارىنا ەندى عانا ەنگىزگەلى وتىرمىز.

بيىلعى بايقاۋ جەڭىمپازى، قارا­عاندى گۋمانيتارلىق كول­لەدجىنىڭ تاريح جانە قو­عام­دىق-ساياسي پاندەر وقىتۋ­شى­سى التاي بودە ۇلى ەلىمىزدە ۇستاز­دار­دىڭ وسىنداي قۇرمەتكە يە بولۋى ۇلكەن مارتەبە ەكەنىن جەت­كىزدى. «قازاق – ءوزىنىڭ حات تانىت­قان ۇستازىنا قىرىق جىل سالەم بەرەتىن حالىق. كەڭەس وكى­مەتى تۇسىندا دا پەداگوگ­تار­دىڭ ورنى بيىكتە بولدى. كە­­يىن­گى توقىراۋ جىلدارى كۇن كو­رە الماي، الا دوربا ارقالاپ كەت­­كەن زاماندا وسى ءبىر قۇرمەت كۇرت ءۇزىلىپ قالدى. قازىر ءبارى وڭا­­لىپ كەلەدى. بىزگە قاي مارا­پات­­تى قالاي بەرگەنىنەن بۇ­رىن ۇز­دىك­كە لايىق كورۋى ماڭىز­دى­راق. وعان ەرەكشە قۋانامىز»، دەيدى.

بايقاۋدان ءبىر بايقا­عا­­نى­­مىز، ۇستازدار كىشىگىرىم كو­ڭىل­دىڭ ءوزىن زور ىقىلاسپەن قابىل الادى ەكەن. بىراق ءبىز ءبارى­بىر ولاردىڭ ۇلتتىق دەڭگەيدە ۇلىق­­­تالعانىن قالايمىز.

 

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار