كىتاپحانادا 2017 جىلدان باستاۋ العان ادەبي سايىستىڭ ماقساتى – ەلباسىنىڭ جاھاندىق باستامالارىنىڭ ءبىرى «رۋحاني جاڭعىرۋ» باعدارلاماسىنا اقپاراتتىق-يميدجدىك قولداۋ كورسەتۋ جانە اباي قۇنانباي ۇلىنىڭ ادەبي مۇراسىن جاستار اراسىندا ناسيحاتتاۋ, قازاقستاندىق جاستاردىڭ وقۋ مادەنيەتىن, ادەبي تالعامىن قالىپتاستىرۋ.
شارانىڭ شىمىلدىعىن ەلباسى كىتاپحاناسىنىڭ ديرەكتورى, پروفەسسور ءامىرحان راحىمجانوۆ اشتى.
- «ەلباسى كىتاپحاناسىنىڭ «اباي وقۋلارى» ادەبيەت سايىسىنىڭ باستاماشاسى بولۋى كەزدەيسوقتىق ەمەس. ولاي دەيتىنىم, «اباي – قازاق حالقىنىڭ رۋحاني كوسەمى» دەگەن قازاقستان رەسپۋبليكاسىنىڭ تۇڭعىش پرەزيدەنتى – ەلباسىمىز نۇرسۇلتان ءابىش ۇلى نازارباەۆ ومىرباياندىق تۋىندىلارىندا بالا كەزىنەن ۇلتىمىزدىڭ رۋحاني ماقتانىشى دانا ابايدىڭ شىعارمالارىمەن ءوسىپ, تاربيە العانىن ارقاشان دا ماقتان تۇتاتىنىن ايتادى. بيىل ءۇشىنشى رەت وتكىزىلىپ كەلە جاتقان «اباي وقۋلارى» ادەبيەت سايىسى ارقىلى, بىرىنشىدەن, ء«ولدى دەۋگە سىيا ما ويلاڭدارشى, ولمەيتۇعىن ارتىنا ءسوز قالدىرعان», - دەگەن كەمەڭگەر ابايدىڭ ءوزى ولگەنمەن ونىڭ ءسوزى ماڭگى ەكەنىن پاش ەتۋ بولسا, ەكىنشىدەن, ابايدىڭ ايتىپ, اللادان تىلەگەن حالىقتىڭ مىزعىماس بىرلىگى مەن جاراسقان ىنتىماعىنا ۇلەس قوسۋ. ەلباسىمىزدىڭ وسىدان ەكى جىل بۇرىن جاريالاعان «رۋحاني جاڭعىرۋ: بولاشاققا باستار جول» ماقالاسى ابايدىڭ ۇلى جولىن جالعاستىرعان ەلدىڭ رۋحىن كوتەرگەن ماڭىزدى تاريحي وقيعا بولدى. باعدارلامالىق ماقالاسىندا ەلباسىمىز «الەمدەگى ەڭ دامىعان 30 ەلدىڭ قاتارىنا قوسىلۋ ءۇشىن ءبىزدىڭ سانامىز ىسىمىزدەن وزىپ ءجۇرۋى, ياعني ودان بۇرىن جاڭعىرىپ وتىرۋى ءتيىس» - دەدى. ەلباسىمىز ايتقانداي, اباي راسىندا حالقىمىزدىڭ رۋحاني كوسەمى. اباي قاشاندا قازاق حالقىنىڭ رۋحاني ۇلى كوشىنىڭ باسىندا. اباي ءسوزى, اباي اندەرى ماڭگى جاڭعىرا, جاڭارا بەرمەك, - دەدى ءامىرحان مۇراتبەك ۇلى.
كەلەسى ءسوز كەزەگىن العان قازاقستان رەسپۋبليكاسى پارلامەنتى سەناتىنىڭ دەپۋتاتى نۇرتورە ءجۇسىپ بارلىق بايقاۋ قاتىسۋشىلارىن قۇتتىقتاپ, اباي الەمىنىڭ سان قىرلىعىنا توقتالدى.
- ۇلى اباي اقىن عانا ەمەس. ول – فيلوسوف, ول – اۋدارماشى, ول – كومپوزيتور. قۇدايدىڭ ابايدىڭ بويىنا بەرگەن قاسيەتىن ساناپ تاۋىسا المايسىڭ. مەن ءبىر عانا كەرەمەتىنە توقتالايىن, ورىستىڭ اقىنى ميحايل لەرمونتوۆ نەمىستىڭ اقىنى يوگانن گەتەنىڭ ولەڭىن اۋداردى. اباي م.لەرمونتوۆتىڭ اۋدارعان ولەڭىن «قاراڭعى تۇندە تاۋ قالعىپ, ۇيقىعا كەتەر بالبىراپ» دەپ قازاقشا سۋرەتتەپ سويلەتىپ قانا قويماي, سوعان ءان شىعاردى. وعان قوسا, اباي قازاق حالقىن الەكساندر پۋشكيننىڭ شىعارماشىلىعىمەن تانىستىرۋدى اقىننىڭ «ەۆگەني ونەگين» پوەماسىن اۋدارۋدان باستاپ, «تاتيانانىڭ حاتىنا» ءان جازدى. قازىرگى بىلىكتى كومپوزيتورلاردىڭ وزدەرى ءدال وسى ابايدىڭ اندەرىندەي اۋەزدى, قۇدىرەتتى, سەزىمتال دۇنيەنىڭ سول زاماندا بولماعانىن مويىندايدى, - دەپ اتاپ ءوتتى نۇرتورە بايتىلەس ۇلى.
الەۋمەتتىك جەلىلەر مول تاجىريبەسى بار قالىڭ وقىرمان قاۋىمنىڭ جانە اباي تۋىندىلارىمەن جاڭادان تانىسقان جاس وقىرمانداردىڭ كەڭىنەن قولداناتىن بەلسەندى «كەزدەسۋ ورنىنا» اينالعان. جوبا, ەڭ الدىمەن, جاستارعا باعىتتالسا دا ەلىمىزدىڭ بارلىق وڭىرلەرىن قامتيتىن ءتۇرلى جاستاعى تۇرعىندار مەن ءار سالادا ەڭبەك ەتەتىن مامانداردىڭ باسىن قوستى. بيىل ءۇشىنشى رەت ۇيىمداستىرىلىپ جاتقان بايقاۋ قاتىسۋشىلارىنىڭ سانى بىلتىرعىمەن سالىستىرعاندا كوبەيگەن. ءداستۇرلى سايىسقا ەلىمىزدىڭ تۇكپىر-تۇكپىرىنەن جانە الىس-جاقىن شەتەلدەردەن ەكى ءجۇزدىڭ ۇستىندە ءوتىنىم كەلىپ تۇسكەن. ونىڭ ىشىنە ەۋروپا مەن ازيا ەلدەرىن جانە تمد ەلدەرىنەن كەلىپ تۇسكەن جۇمىستار دا بار. ال, 20 مىڭنان استام پايدالانۋشىلار فەيسبۋك, ينستاگرام جانە باسقا دا الەۋمەتتىك جەلىلەر ارقىلى ادەبي سايىستى تۇسىنىكتەمەلەر, لۇپىلدەمەلەر قويۋمەن قولدادى.
شارا بارىسىندا «اباي مۇراسىن الەمدىك دەڭگەيدە ناسيحاتتاۋشى» نوميناتسياسىنىڭ يەگەرى بەكزات سماعۇلوۆ ابايدىڭ «سەگىز اياق» ءانىن ناقىشىنا كەلتىرىپ شىرقادى.
سونداي-اق قاتىسۋشىلار مەن قوناقتار ەلباسى كىتاپحاناسى ۇيىمداستىرعان ۇلى اباي شىعارماشىلىعىنا ارنالعان كىتاپ كورمەسىن دە تاماشالادى.
بايقاۋ قورىتىندىسى بويىنشا تومەندەگى قاتىسۋشىلار جەڭىمپاز اتاندى:
باس جۇلدە – گۇلبيبى سەيداليەۆا (سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ 4-كۋرس ستۋدەنتى, وسكەمەن قالاسى);
ءى ورىن – اراي جىلقىباەۆا (قر پرەزيدەنتى ءىس باسقارماسى مەديتسينالىق ورتالىعى اۋرۋحاناسىنىڭ دارىگەر-مەنەدجەرى, نۇر-سۇلتان قالاسى);
ءىى ورىن – مەدينا جىلقىباەۆا (اقمولا وبلىسى قوسشى اۋىلىنداعى №2 مەكتەپتىڭ 10-سىنىپ وقۋشىسى);
ءىىى ورىن – ەرسۇلتان ءنۇسىپجانوۆ (تاراز مەملەكەتتىك پەداگوگيكالىق ۋنيۆەرسيتەتىنىڭ 3-كۋرس ستۋدەنتى, تاراز قالاسى);
«اباي مۇراسىن الەمدىك دەڭگەيدە ناسيحاتتاۋشى» نوميناتسياسى – بەكزات سماعۇلوۆ (قر مادەنيەت ءجان سپورت مينيسترلىگى ونەر دەپارتامەنتىنىڭ ساراپشىسى);
«ەڭ كىشكەنتاي ۇمىتكەر» نوميناتسياسى – حاسەن جىگەر مەن انەل مۋحاماجيتوۆا (پاۆلودار وبلىسى ەكىباستۇز قالاسىنداعى №24 «اينالايىن» بالاباقشاسىنىڭ تاربيەلەنۋشىلەرى);
«كورەرمەن كوزايىمى» نوميناتسياسى – قىرمىزى ارىن (نۇر-سۇلتان قالاسىنداعى نازارباەۆ زياتكەرلىك مەكتەبىنىڭ 8- سىنىپ وقۋشىسى);
«ەڭ بەلسەندى قاتىسۋشى» نوميناتسياسى – مۇحامەدجان ابديەۆ (تاراز قالاسىنداعى ب.مومىش ۇلى اتىنداعى № 45 مەكتەپ-گيمنازيانىڭ 7-سىنىپ وقۋشىسى, تاراز قالاسى).
شارا سوڭىندا «اباي وقۋلارى» ادەبي سايىسىنىڭ جەڭىمپازدارى مەن جۇلدەگەرلەرى ەلباسى كىتاپحاناسىنىڭ باسشىلىعى مەن قىزمەتكەرلەرىنە جوبانى ۇيىمداستىرعاندارى ءۇشىن ريزاشىلىقتارىن ءبىلدىردى.
