سارعايعان سۋرەتتەردى اقتارىپ وتىرىپ, مىنا ءبىر سۋرەتكە كوزىم تۇسكەنى: جاس شامالارى اۋدەم تارتقان مايكىشەڭ وتىرعان مۇرتتى ەر ادام مەن گۇلدى كويلەك كيگەن جىلى ءجۇزدى ايەل بەينەسى. الەكەڭنەن «بۇلار كىمدەر؟» دەپ سۇرادىم. اعامىز ادەتتەگىدەي جۇمساق جىميىپ الدى دا, «مەنىڭ اتا-انام عوي» دەدى. راسىن ايتسام, بۇعان دەيىن داڭقتى سپورتشى جايلى ءبىرشاما دەرەكتەر بىلسەم دە, اتا-اناسىنىڭ بەينەسىن كەزدەستىرمەپپىن.
اعامىزدىڭ ايتۋى بويىنشا بۇل فوتو 1960-جىلداردىڭ ورتاسىندا ءوزى تۋعان تاباقساي اۋىلىندا تۇسىرىلگەن ەكەن. اكەسى مۇسىربەك 1905 جىلى قىزىلوردا وبلىسىنىڭ تەرەڭوزەگىندە تۋىپ, اشارشىلىق جىلدارى اعاسى سۇلەيمەن, ءىنىسى سىزدىحان بار بارلىعى وزبەكستاننىڭ شىرشىعىنا اۋىپ بارعان. كەيىن اعاسى مەن ءىنىسى قىرعىزداردى ساعالاپ كەتىپ, سوعىس باستالعاندا سۇلەيمەن مايدانعا اتتانعان دا, سىزدىحان جەزقازعان وڭىرىنە كوشىپ كەلگەن.
ءسويتىپ اپالاس-توپەلەس زاماندا اعايىندارىنان الىستاعان مۇسىربەك وزىمەن تاعدىرلاس جالعىز شەشەسىن جەتەلەپ ۋكراينادان اۋىپ كەلگەن پراسكوۆيا جيرونكينامەن كوڭىل قوسقان. مىنا فوتوداعى جىلى ءجۇزدى ايەل وسى كىسى, ياعني ءالجاننىڭ اناسى.
قابيبەك مۇحيتوۆ,
اتىراۋ مۇناي جانە گاز ۋنيۆەرسيتەتىنىڭ دوتسەنتى
