«دوستار, وسى بەيسەنبىدە ەلىمىزدىڭ بارلىق مەكتەپتەرىندە «ەكو-ساعات» اتتى فاكۋلتاتيۆ وقىتىلا باستايتىنىن قۋانا حابارلاماقپىن. بۇل كۇن كەزدەيسوق تاڭدالعان جوق. 3 قازاندا دۇنيەجۇزىلىك مەكەندەۋ ورنىن قورعاۋ كۇنى اتالىپ وتەدى», دەپ جازدى مينيستر Twitter-دەگى ءوز پاراقشاسىندا. ءمينيستردىڭ دەرەگى بويىنشا, اكتسياعا ۇكىمەت مۇشەلەرى, ءوڭىر اكىمدەرى قاتىسادى. مينيسترلەر مەن اكىمدەر رەسپۋبليكا مەكتەپتەرىندە ساباق وتكىزىپ, سودان كەيىن وقۋشىلارعا اعاش وتىرعىزۋعا كومەكتەسەدى.
ء«بىز بۇل كۇنى قازاقستاندا 200 مىڭنان اسا اعاش وتىرعىزىلادى دەپ ۇمىتتەنەمىز. قازاقستاندا «ەكو-ساعات» وتكىزۋ داستۇرگە اينالىپ, حالىقتى ەكولوگيالىق تۇرعىدا تاربيەلەۋگە ەداۋىر ۇلەس قوسادى دەگەن ويدامىن», دەدى ەكولوگيا مينيسترلىگىنىڭ باسشىسى.
جوسپار بويىنشا, اكتسياعا قازاقستانداعى 6 مىڭ مەكتەپ پەن 2 ملن وقۋشى قاتىسادى. ال 12 قازاندا ەلىمىزدىڭ بارلىق تۇرعىندارى اتالعان اكتسيانى جالعاستىرماق.
