بۇل رەتتە قازاقستان پرەزيدەنتى ازاماتتاردىڭ قۇقىقتارى مەن قاۋىپسىزدىگىن قورعاۋدى كۇشەيتۋدىڭ باستى فاكتورى رەتىندە سوت جانە قۇقىق قورعاۋ جۇيەلەرىن تەرەڭ رەفورمالاۋدى ءجون سانايدى.
ازاماتتاردىڭ قۇقىقتارىن قورعاۋدى كۇشەيتۋ مۇددەسىندە سوت شەشىمدەرىنىڭ ساپاسىن جاقسارتۋ بويىنشا بىرقاتار ماڭىزدى شارانى جۇزەگە اسىرۋ تاپسىرىلدى, ونىڭ ىشىندە سوت پراكتيكاسىنىڭ بىركەلكىلىگىن قامتاماسىز ەتۋ, اكىمشىلىك ادىلەتتىلىك ەنگىزۋ, جەكە تۇلعاعا قارسى اۋىر قىلمىستار ءۇشىن جازانى كۇشەيتۋ, سونداي-اق سىبايلاس جەمقورلىققا قارسى جۇيەلى كۇرەس ماسەلەلەرى بار.
ازاماتتاردى تابيعي قۇبىلىستار مەن تەحنوگەندىك اپاتتاردان قورعاۋ ماسەلەلەرىنە ەرەكشە نازار اۋدارىلادى. سونداي-اق جاڭا تۇجىرىمداما نەگىزىندە جاۋىنگەرلىك قابىلەتتى ىسكەردى قالىپتاستىرۋ مىندەتى قويىلدى.
مەملەكەت باسشىسى اتاپ وتكەندەي, «ارىستاعى وقيعالار قارۋلى كۇشتەردە ەلەۋلى كۇردەلى ماسەلەلەر جيناقتالعانىن كورسەتتى». قاسىم-جومارت توقاەۆ وسىنداي ماسەلەلەردىڭ بار ەكەنىنە اسكەري بولىمدە جارىلىس بولعان سوڭ ارىس قالاسىنا كەلگەن كەزدە كوز جەتكىزدى.
ەل ۇكىمەتى ەكى جىل بۇرىن بەرگەن تالاپتار – 2017 جىلى قورعانىس مينيسترلىگى مەن باسقا دا وسىنداي وبەكتىلەردىڭ ءورت قاۋىپسىزدىگىن قامتاماسىز ەتۋ ۆەدومستۆولارى جونىندەگى تالاپتارى وسى اسكەري بولىمدە ورىندالماعان. بۇل توتەنشە جاعدايدىڭ سالدارىن جويۋعا ۇكىمەت رەزەرۆىنەن عانا 34 ملرد تەڭگەدەن استام قارجى ءبولىندى, ال تۇرعىن ۇيلەر مەن باسقا دا وبەكتىلەردى قالپىنا كەلتىرۋ ءۇشىن وبلىستار بيۋدجەتتەرىنەن جانە باسقا دا كوزدەردەن قاراجات جۇمسالدى.
قازاقستان پرەزيدەنتى بارلىق اسكەري شىعىنداردى رەتكە كەلتىرۋدى, اسكەردەگى قارجىلىق جانە جالپى ءتارتىپتى نىعايتۋدى, اسكەري قىزمەتتىڭ بەدەلىن ارتتىرۋدى, قارۋلى كۇشتەردىڭ ماتەريالدىق جاراقتاندىرىلۋىن تالاپ ەتتى.
بۇل تالاپتار ءتۇرلى سالالارداعى اۋقىمدى مىندەتتەردى الداعى ۋاقىتتا ىسكە اسىرۋدى ەسكەرە وتىرىپ, ەرەكشە وزەكتىلىككە يە بولادى. بۇگىنگى كۇنى قازاقستاننىڭ الەۋمەتتىك-ەكونوميكالىق دامۋىندا بەلگىلەنگەن مەجەلەرگە تابىستى قول جەتكىزۋى مەملەكەتتىك قاراجاتتىڭ دۇرىس جۇمسالۋىنا بايلانىستى.
قازاقستان اسكەرى ءۇشىن جىل سايىن بولىنەتىن قاراجات كولەمى ءىجو-ءنىڭ شامامەن 1 پايىزىن قۇرايدى. سايكەسىنشە, بۇل قاراجات ءتيىمدى جۇمسالۋى ءتيىس.
ەل پرەزيدەنتى قاسىم-جومارت توقاەۆتىڭ قازاقستان حالقىنا جولداۋىندا بەلگىلەنگەن مىندەتتەر اياسىندا حالىقارالىق احۋالداعى وزگەرىستەر سيپاتىنا, سونداي-اق ەلدىڭ ناقتى ەكونوميكالىق جانە اسكەري مۇمكىندىكتەرىنە سايكەس كەلەتىن ۇتىمدى اسكەري ساياساتتى ازىرلەۋ ەرەكشە ماڭىزعا يە بولادى. بۇل رەتتە ءبىزدىڭ ەلىمىزدەگى اسكەري قۇرىلىس بارىسىندا شەشىلەتىن نەگىزگى مىندەتتەردىڭ ءبىرى قارۋلى كۇشتەردىڭ ساپالى پارامەترلەرىن ارتتىرۋ بولۋى ءتيىس, ولاردىڭ ىشىندەگى ەڭ ماڭىزدىسى – ءبىزدىڭ اسكەرىمىزدىڭ جاۋىنگەرلىك دايىندىعى مەن جاۋىنگەرلىك قابىلەتتىلىگىنىڭ دەڭگەيى.
بۇل مىندەتتى ورىنداۋ ءبىزدىڭ اسكەرىمىزدىڭ جاڭا گەوساياسي جاعدايدا ەل قاۋىپسىزدىگىنە تونەتىن قاۋىپ-قاتەردى تويتارۋعا دايىندىعىن قامتاماسىز ەتەدى.
گەورگي دۋبوۆتسەۆ,
پرەزيدەنت جانىنداعى قسزي-ءدىڭ باس عىلىمي قىزمەتكەرى, اسكەري عىلىمدار كانديداتى, دوتسەنت
