پرەزيدەنت قاسىم-جومارت توقاەۆ – تۇڭعىش پرەزيدەنت باستاعان وزگەرىستەرگە تولى كەزەڭدى باسىنان وتكەرگەن, نۇرسۇلتان نازارباەۆتىڭ ارىپتەسى, كومەكشىسى مەن وڭ قولى بولعان ۇلتتىق ساياسي تۇلعا. ق.توقاەۆ مىرزا ءوزىنىڭ جيناقتاعان مول تاجىريبەسى مەن حالقىنىڭ وزىنە دەگەن سەنىمىنىڭ ارقاسىندا پرەزيدەنتتىك بيلىككە قول جەتكىزدى.
قازاقستان ۇزاق مەرزىمدى ستراتەگيالاردى جوسپارلاۋ مەن ورىنداۋ بويىنشا زور تاجىريبەسى بار مەملەكەت. قازاقستان تاۋەلسىزدىك العان ۋاقىتتان بەرى ءبىز بۇل ەلدىڭ قازىرگى قوعامىندا ورىن الىپ جاتقان ترانسفورماتسيالىق پروتسەستەر مەن وزگەرىستەرگە جاۋاپ بەرە الاتىن ستراتەگيالىق جوسپارلار مەن دامۋدى, مودەرنيزاتسيالاۋدى قامتيتىن مەملەكەتتىك باعدارلامالاردىڭ كۋاسى بولدىق. وسىلايشا قازاقستان دامۋ مەن گۇلدەنۋدى ۇران ەتكەن ايقىن باعىت-باعدارىن انىقتاپ, جۇزەگە اسىرۋدا ۇلكەن شەبەرلىك تانىتتى. وسىنىڭ ارقاسىندا ۇلتتىق مۇددەنىڭ جۇزەگە اسۋىن قامتاماسىز ەتەتىن باعدارلامالار ىسكە اسۋدا.
پرەزيدەنت كاسىم-جومارت توقاەۆ ءوز جولداۋىندا كەز كەلگەن مەملەكەتتىڭ دامۋىنا قاجەتتى اسا ماڭىزدى ماسەلەلەردى قامتىپ ءوتتى, اتاپ ايتار بولساق: ءبىرىنشى, تۇراقتىلىقتى قامتاماسىز ەتەتىن ءىس-شارالارعا سايكەس زاماناۋي مەملەكەتتى قۇرۋ ماقساتىنداعى ساياسي وزگەرىستەر, ەكىنشىدەن, ازاماتتاردىڭ قاۋىپسىزدىگى مەن ادام قۇقىقتارىن قامتاماسىز ەتەتىن جۇيەلى ءىس-شارالاردى جۇزەگە اسىرۋ, سونىمەن قاتار مەملەكەتتەگى ازاماتتىق قوعام سيپاتىن نىعايتۋ, ازاماتتىق قوعام ۇيىمدارىنىڭ ءرولىن ارتتىرۋ. وسى ارادا ايتا كەتەيىن, مەملەكەتتىك ماڭىزى زور ماسەلەلەردى شەشۋ پروتسەسىنە قوعامدىق ۇيىمداردىڭ بەلسەندى تۇردە اتسالىسۋىن ارتتىرۋدا بۇل شارانىڭ ماڭىزى وراسان زور.
سونىمەن بىرگە ۇلتتىق ەكونوميكانىڭ ءوسىمى مەن ينكليۋزيۆتىلىگىن قامتاماسىز ەتۋ دە وتە ماڭىزدى. بۇكىل عالامدى جاۋلاپ العان الەمدىك ەكونوميكالىق داعدارىس زامانىندا بۇل ماسەلە مەملەكەتتىڭ ەكونوميكالىق دامۋ پروتسەسىندە اسا ىقپالدى رولگە يە بولىپ وتىر. الداعى ۋاقىتتا باتىس پەن شىعىس اراسىنداعى ەكونوميكالىق بالانس تۇبەگەيلى وزگەرىستەرگە ۇشىراۋى مۇمكىن. سوندىقتان قازاقستان, ءبىرىنشى كەزەكتە اۋىل شارۋاشىلىعىن دامىتۋعا ەرەكشە كوڭىل بولگەنى ءجون, سەبەبى اۋىل شارۋاشىلىعى سالاسىندا قازاقستانعا بەرىلگەن ۇلكەن مۇمكىندىكتەر وزگە كوپتەگەن ەلدەردە جوقتىڭ قاسى.
پرەزيدەنت ءوز جولداۋىندا قاراپايىم ازاماتتىڭ مۇددەسىن قامتيتىن باستى ۇلتتىق ماسەلەلەردى قوزعادى. سوندىقتان پرەزيدەنت ءسوزىن ىسكە اسىرۋ جولىندا قازاق حالقى ۇكىمەت جانە مەملەكەتتىك ورگاندارمەن بىرلەسە وتىرىپ ەڭبەك ەتۋى ءتيىس. وسى رەتتە ۇلتتىق ارنالار مەن مەديا رەسۋرستار قوعام مەن مەملەكەت اراسىنداعى ىنتىماقتاستىقتى اسىرا ماقتاۋدان اۋلاق ءارى وبەكتيۆتى تۇردە دارىپتەۋى ءتيىس.
قازاقستان حالقىنا ماڭگىلىك تۇراقتىلىق پەن گۇلدەنۋ تىلەيمىن.
ءماجيد بەن ابدەل
ءازيز ءال-تۇركي,
اراب-ورىس زەرتتەۋلەر مەن اقپارات ورتالىعىنىڭ باسقارۋشىسى
