تەرمومەتر باعاندارى كۇندىز: ەلىمىزدىڭ سولتۇستىك بولىگىندە 15…23 گرادۋس جىلى, وڭتۇستىك بولىگىندە اۋا تەمپەراتۋراسى 20…28-گە دەيىن بىرتىندەپ كوتەرىلەدى.
سونىمەن قاتار ايدىڭ باسىندا سولتۇستىكتە, ورتالىقتا جانە شىعىستا تۇندە تومەن تەمپەراتۋرا: 2…10 گرادۋس ايازعا دەيىن, كەي جەرلەردە 3 گرادۋس جىلىعا دەيىن ساقتالادى. سودان كەيىن ءبىرىنشى ونكۇندىكتىڭ سوڭىندا رەسەيدىڭ ەۋروپالىق اۋماعىنان سۋىق اۋا ماسسالارىنىڭ كەلۋىمەن اۋا تەمپەراتۋراسىنىڭ تومەندەۋى جانە الدىمەن باتىستا, سودان كەيىن رەسپۋبليكانىڭ قالعان اۋماعىندا جاۋىن-شاشىن ءتۇسۋى مۇمكىن: اۋا تەمپەراتۋراسى كۇندىز باتىس جانە سولتۇستىك وڭىرلەردە 7…15 جىلىعا دەيىن, شىعىستا 8…18 جىلىعا دەيىن, وڭتۇستىك وڭىرلەردە 12…20 جىلىعا دەيىن تومەندەيدى.
ۇزاق مەرزىمدى بولجامعا سايكەس, ايدىڭ ىشىندە سۋىق تولقىنى جاۋىن-شاشىن, تۇمان, كوكتايعاق قۇبىلىستارى, ەكپىنى 15-20 م/س دەيىن جەلدىڭ كۇشەيۋى سياقتى اۋا رايى جاعدايلارى ءجيى اۋىسىپ, جىلۋ تولقىندارىمەن الماساتىن بولادى.
قازان ايىنىڭ ورتاشا اۋا تەمپەراتۋراسى قازاقستاننىڭ كوپتەگەن بولىگىندە نورما شاماسىندا, تۇركىستان, جامبىل, الماتى, قىزىلوردا وبلىسىنىڭ باتىسىندا 1°س نورمادان جوعارى بولادى دەپ كۇتىلەدى.
جاۋىن-شاشىن مولشەرى ەلىمىزدىڭ كوپتەگەن بولىگىندە – نورما شاماسىندا جانە نورمادان كوپ, باتىس قازاقستان, اتىراۋ, اقتوبە, قىزىلوردا, كەي جەرلەردە, قوستاناي جانە قاراعاندى وبلىستارىندا نورمادان تومەن بولادى دەپ بولجانادى.
