رۋحانيات • 24 قىركۇيەك، 2019

حالىقارالىق ۆوكاليستەر بايقاۋىنىڭ باس جۇلدەسى يتالياعا كەتتى

104 رەتكورسەتىلدى

الماتى قالاسىندا ون كۇن بويى وپەرانى بيىك دارەجەدە دارىپتەگەن بيبىگۇل تولەگەنوۆانىڭ ح حالىقارالىق ۆوكاليستەر بايقاۋى مارەسىنە جەتىپ، ونەر بايگەسى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا جەڭىمپازداردىڭ گالا-كونتسەرتىمەن اياقتالدى.

ب.تولەگەنوۆانىڭ 90 جىلدىق مەرەيتويى اياسىندا وتكىزىلگەن مەرەيتويلىق ۆوكاليستەر بايقاۋى شىن مانىندە مادەنيەت پەن ونەردىڭ جارقىن مەرەكسىنە اينالدى. بۇگىندە ەسىمى ەلگە بەلگىلى تالعات مۇساباەۆ، سۇندەت بايعوجين، ازامات جىلتىركوزوۆ، ناتاليا Music سىندى تالانتتى انشىلەردى ونەر كوگىنە سامعاتىپ، مارتەبەسى جوعارى الەمدىك ساحنالاردا ءان سالىپ، تانىمال بولۋىنا زور سەپتىگىن تيگىزدى.

12 مەملەكەتتىڭ جاس وپەرا انشىلەرىنىڭ اراسىنداعى سايىس وتە تارتىستى ءوتتى. كسرو حالىق ءارتىسى بيبىگۇل تولەگەنوۆانىڭ توراعالىعىمەن جۇمىس ىستەگەن قازىلار القاسىنىڭ قۇرامى وسىعان وراي ءباسپاسوز ءماسلتحاتىن وتكىزىپ، جەڭىمپازداردىڭ ەسىمىن الدىن-الا جاريالادى. پاريجدەگى رەسەي مۋزىكالىق قاۋىمداستىعىنىڭ توراعاسى، س.راحمانينوۆ اتىنداعى پاريج ورىس كونسەرۆاتورياسىنىڭ رەكتورى گراف پەتر شەرەمەتەۆ، ميلانداعى ءبىرىنشى حالىقارالىق بايقاۋدىڭ تۇڭعىش جەڭىمپازى كولوگەرو انتونيو ۆيتتوريو تەررانوۆا قاتىسقان كەزدەسۋدە جاس انشىلەردىڭ كاسىبي مۇمكىندىگى، تالانتى سارالانىپ، جالپى بايقاۋدىڭ سالماعى مەن تانىمالدىلىعى تۋرالى ءسوز بولدى. تەررانوۆا بيبىگۇل تولەگەنوۆانىڭ حالىقارالىق ۆوكاليستەر بايقاۋىندا جەڭىسكە جەتكەن توعىز لاۋرەاتتىڭ اۆستريادا وتەتىن كلاسسيكالىق مۋزىكانىڭ تانىمال بايقاۋىنا ىرىكتەۋ سىناعىنسىز قاتىسۋعا بىرەگەي مۇمكىندىك بەرىلگەنىن مالىمدەدى.

3-ورىن ءۇش انشىگە: ەكاتەرينا ۆلاسوۆا (ۋكراينا)، ەۆگەني شاگاروۆ (قازاقستان)، سوسوربارام بات-ەردەنەگە (مونعوليا) بەرىلسە، 2-ورىندى ءۇش ءانشى: مادينا ورازباي (قازاقستان)، كامولليدين مۋحاماديەۆ (وزبەكستان)، شاحريزادا تىنىشتىق (قازاقستان)، 1-ورىندى ءۇش ءانشى: گۇلدانا الدادوسوۆا (قازاقستان)، ناتاليا زيمينا (رەسەي)، ۆان شيكۋن (قىتاي) يەلەندى. بايقاۋدىڭ گران-پري جۇلدەسىن يتاليادان كەلگەن جاس ورىنداۋشى، كەرەمەت تەنور يەسى كوزيمو ورەستە جەڭىپ الدى. وپەرا وتانى يتاليا قازاقستانداعى وسى ءان جارىسىنا بيىل ءبىرىنشى رەت قاتىسىپ وتىر. كوزيمو ورەستە – «لا-سكالا تەاتر اكادەمياسىنىڭ» تۇلەگى، كوپتەگەن حالىقارالىق بايقاۋلاردىڭ جەڭىمپازى.

ال اباي اتىنداعى وپەرا جانە بالەت تەاترىنىڭ ديرەكتورى ايا قاليەۆا 2-ورىن العان وزبەكستاندىق ءانشى كامولليدين مۋحامەديەۆكە ءبىرىنشى رەت ءوزى باسقاراتىن تەاتردان ەكى اپتالىق تاجىريبەدەن ءوتۋ كەلىسىمشارتىن ۇسىندى. سونىمەن بىرگە تەاتردىڭ كوركەمدىك كەڭەسىنىڭ شەشىمىمەن تاجىريبە مەرزىمى اياقتالعان سوڭ وپەرا ءانشىسى رەتىندە 2019-2020 جىلدارداعى تەاتر رەپەرتۋارىنداعى سپەكتاكلدەردىڭ جەكە ورىنداۋشىلىق مۇمكىندىگىنە يە بولدى.

سالتاناتتى كەشتىڭ جابىلۋىندا ونەر كورسەتكەن گالا-كونتسەرتتەگى لاۋرەاتتاردىڭ اندەرىن وپەرا تەاترىنىڭ مەملەكەتتىك سيمفونيالىق وركەسترى ەربولات احمەدياروۆتىڭ ديريجەرلىگىمەن سۇيەمەلدەدى.

«ميراس» ۇلتتىق قوعامدىق قورىنىڭ ديرەكتورى گۋزەل تولەگەنوۆا ءان بايقاۋىن ۇيىمداستىرۋشىلارىنا، دەمەۋشىلەرىنە، سەرىكتەستەرى مەن بارلىق قاتىسۋشىلارعا بايقاۋعا قوسقان ۇلەسى مەن كومەگى ءۇشىن العىسىن ءبىلدىردى. اسىرەسە، قر تۇڭعىش پرەزيدەنتى – ەلباسى قورى، «سامۇرىق – قازىنا» اق، مادەنيەت جانە سپورت مينيسترلىگى مەن الماتى قالاسى اكىمدىگىنىڭ ءرولىن ەرەكشە اتاپ ءوتتى.

 

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار