بارلىعىمىز بىلەتىندەي, ەكىجاقتى قاتىناستاردىڭ مىقتى ىرگەتاسىن قر تۇڭعىش پرەزيدەنتى نۇرسۇلتان نازارباەۆ پەن يوردان حاشيميت كورولى ابداللا ءىى قالاعان, ولاردىڭ اراسىندا تىعىز, دوستىق قاتىناستار ورناعان.
ساياسي ءوزارا ءىس-قيمىلدىڭ كەڭەيۋىمەن قاتار, ەكى ەل اراسىنداعى تاۋار اينالىمىنىڭ ءوسۋى بايقالادى. وسى ورايدا, قازاقستان مەن يوردانيا اراسىنداعى ساۋدا-ساتتىقتى ودان ءارى ۇلعايتىپ, قازىرگى ۋاقىتتا بۇكىل الەمدە وزەكتى بولىپ تابىلاتىن ازىق-ت ۇلىك قاۋىپسىزدىگى جەلىسى بويىنشا ەكىجاقتى ىنتىماقتاستىقتى وسىرۋگە زور مۇمكىندىكتەر بار. بۇل رەتتە, كەلەشەكتە قازاقستان ونى قامتاماسىز ەتۋدە ماڭىزدى ءرول اتقارۋى مۇمكىن.
«وسى ورايدا, اۋىل شارۋاشىلىعى سالاسىنداعى ىنتىماقتاستىق باسىم باعىتتاردىڭ ءبىرى دەپ بولجايمىن. ءبىز ۇزاق مەرزىمدى كەلىسىمشارتتار نەگىزىندە يوردانياعا استىق ەكسپورتىن جولعا قويۋعا دايىنبىز», — دەپ اتاپ ءوتتى رومان سكليار.
قازاقستان ءوز تاراپىنان يوردانيانى, يسلام ىنتىماقتاستىعى ۇيىمى (يىۇ) شەڭبەرىندە ازىق-ت ۇلىك ءوزارا كومەك جۇيەسىن قۇرۋعا ىقپال ەتەتىن ازىق-ت ۇلىك قاۋىپسىزدىگى جونىندەگى يسلام ۇيىمىنا (اقيۇ) قوسىلۋعا شاقىرادى.
«شتاب-پاتەرى نۇر-سۇلتاندا ورنالاساتىن اقيۇ-نىڭ جۇمىس ىستەۋى يىۇ مۇشەلەرىنىڭ ەكونوميكالىق ىنتىماقتاستىقتاعى ساپالى جاڭا قادامى بولىپ, ازىق-ت ۇلىك رەزەرۆتەرىن قۇرۋ ەسەبىنەن مۇقتاج مۇسىلمان ەلدەرىنە ازىق-ت ۇلىك كومەگىن كورسەتۋگە ىقپال ەتەتىنىنە سەنىمدىمىز», — دەدى رومان سكليار.
بۇدان وزگە, تاراپتار اۋە قاتىناستارى سالاسىنداعى ىنتىماقتاستىق ماسەلەلەرىن تالقىلادى. رومان سكليار يوردانيانىڭ اۋە كومپانيالارىن قازاقستاندىق تاراپپەن ىنتىماقتاستىققا شاقىردى, سونداي-اق, ءبىزدىڭ ەل ودان ءارى ءتيىمدى ءوزارا ءىس-قيمىلدار اسپەكتىلەرىنە تالداۋ جاسايتىنىن قوسا ايتتى.
ءوز كەزەگىندە يوردانيا تاراپىنىڭ وكىلدەرى قازاقستان اۋماعىنا اۋىل شارۋاشىلىعى ءونىمىن ەكسپورتتاۋعا قىزىعۋشىلىقتارىن ءبىلدىردى, سونداي-اق جىلى قارسى العانى ءۇشىن قر ۇكىمەتىنە العىس ءبىلدىرىپ, ءبىزدىڭ ەلدەر اراسىنداعى ءوزارا قاتىناستاردىڭ جوعارى دەڭگەيىن اتاپ ءوتتى.
