قازاقستان • 20 قىركۇيەك، 2019

اقتاۋ، تۇركىستان جانە ارىس قالالارىندا Smart City قىزمەتى قوسىلۋى مۇمكىن

35 رەتكورسەتىلدى

اقتاۋ قالاسىندا  «CIO and Digital Professionals Workplace 2019» كونفەرەنتسياسى ءوتتى.  جيىن بارىسىندا «قازاقتەلەكوم» اق ماڭعىستاۋ مەن تۇركىستان وبلىستارى اكىمدىكتەرى باستاعان بىرقاتار كومپانيالارمەن مەموراندۋمدارعا قول قويدى. ىنتىماقتاستىق اياسىندا تاراپتار اقتاۋ، تۇركىستان جانە ارىس قالالارىندا Smart City  پيلوتتىق  قىزمەتىن ىسكە قوسۋعا ارنالعان جوبالاردى ەنگىزۋ مۇمكىندىگىن قاراستىرادى.

مۇنداي يدەيا ءبىراز ۋاقىت بۇرىن دا ايتىلىپ جۇرگەن. بۇعان دەيىن پرەمەر-مينيستر اسقار مامينگە ارىس قالاسىن تسيفرلىق تانسفورماتسيالاۋ مۇمكىندىگى تانىستىرىلعان بولاتىن. ەندىگىدە جوعارىدا اتالعان ءۇش قالانىڭ قوعامدىق جانە جول بەينەباقىلاۋى، ورتالىقتارداعى اشىق  wi-fi، تالشىقتى-وپتيكالىق بايلانىس جانە  LPWAN جەلىسى كوبەيتىلەدى. سونىمەن قاتار  ەكولوگيالىق مونيتورينگ جۇرگىزۋ مەن جەدەل جاردەمنىڭ ديسپەتچەرلىك قىزمەتىن اۆتوماتتاندىرۋ جوسپارلانعان. بۇدان بولەك، مەموراندۋمعا سايكەس تسيفرلىق دامۋ جانە  Big Data  ەنگىزۋ مۇمكىندىگىن قاراستىرۋ ماسەلەلەرى بويىنشا تاراپتار اراسىندا ءوزارا ءىس-قيمىل جۇرگىزۋ كوزدەلگەن.

كەلىسۋ

كونفەرەنتسيا بارىسىندا ينفراقۇرىلىمدى  وپەراتور تاراپىنان كاسىپورىنداردا تسيفرلىق ترانسفورماتسيالاۋدىڭ جاڭا باعىتتارىن دامىتۋ تۋرالى ۇسىنىستار ايتىلدى. كومپانيا سپيكەرلەرى دايىن تەحنولوگيالىق بازا مەن تەلەكوم-وپەراتور ۇسىناتىن مۇمكىندىكتەر تۋرالى مالىمەتتەرمەن ءبولىستى. قازاقستانداعى بىرقاتار يندۋستريالىق جوبالار جينالعاندار اراسىندا تالقىلاندى.

ال جۇزەگە اسىرىلعان تسيفرلىق ترانسفورماتسيالاۋ جوبالارىنىڭ مىسالى رەتىندە  Smart Aqkol تاجىريبەلەرى ەسكەرىلەتىن بولادى.

«Smart Aqkol جوباسىنىڭ نەگىزگى ماقساتى ̶  قالاداعى ءتۇرلى قىزمەتتىڭ جۇمىس ناتيجەسىن باقىلاۋ  ءۇشىن اقپاراتتىق اعىنداردى وڭدەۋ بازاسىندا «اقىلدى قالا» مودەلىن قۇرۋ بولدى. «Smart Aqkol» تۇجىرىمداماسىنا  ينفراقۇرىلىم،  بىرىكتىرىلگەن جۇيەلەر جانە سيگنالدار بەرۋ مەن دەرەكتەردى باقىلاۋ جانە ونى تالداۋ ەلەمەنتتەرىنىڭ جەلىسى كىرەدى. بارلىق دەرەكتەر جاعدايات ورتالىعىنا –  ديسپەتچەر زالى بار،  مونيتورينگ جاساۋعا ارنالعان بەينە-قابىرعامەن، بەينەكونفەرەنتسيا بايلانىسى جۇيەسىمەن،  كولل-ورتالىعىمەن جابدىقتالعان وبەكتىگە تۇسەدى»، ̶ دەدى «قازاقتەلەكوم» اق كورپوراتيۆتىك بيزنەس ديۆيزيونىنىڭ دەپارتامەنت  ديرەكتورى  سامات يمباەۆ  

اقكول  ̶  كوممۋنالدىق قىزمەتتەردىڭ بارلىق تۇتىنۋشىلارى تولىعىمەن تسيفرلاندىرىلعان قازاقستانداعى ءبىرىنشى قالا.  Smart Aqkol جوباسىنىڭ تۇجىرىمداماسى  قاۋىپسىزدىكتەن ەكولوگياعا دەيىن 11 باعىتتان تۇراتىن «اقىلدى» قالالاردى دامىتۋدىڭ بىرىڭعاي ستاندارتىنا كىرەدى. ەگەر اقتاۋ، تۇركىستان جانە ارىس قالالارىندا Smart City  قىزمەتى تولىق ەنگىزىلسە، ەلىمىزدەگى «اقىلدى قالالار» سانى كوبەيە تۇسپەك. بۇل ءوز كەزەگىندە تۇرعىنداردىڭ جايلى تۇرمىس كەشۋىنە پايداسىن تيگىزۋگە ءتيىس.

سوڭعى جاڭالىقتار

اسا رەيتينگى جاڭارتىلدى

سپورت • بۇگىن، 14:08

ۇيدەن شىقپاي قازاقشا ۇيرەن

قوعام • بۇگىن، 13:08

«...تاۋىڭدا قىران قالدى ما؟»

ايماقتار • بۇگىن، 12:52

ءداستۇردى بۇلداۋ ما بۇل؟!

قوعام • بۇگىن، 12:23

كوروناۆيرۋس شاش ارقىلى جۇعادى

كوروناۆيرۋس • بۇگىن، 12:19

«التىن وردا» كۇيىن شىعاردى

رۋحانيات • بۇگىن، 11:21

كارانتيننەن كەلەتىن زارداپ مول

كوروناۆيرۋس • بۇگىن، 11:09

ۇقساس جاڭالىقتار