- ءبىز «استانا» كومانداسىنىڭ بىرنەشە ويىنىن قاراپ شىقتىق. ونىڭ ىشىندە ەۋروكۋبوكتەردە وتكىزگەن ويىندارىنا باسا نازار اۋدارۋعا تىرىستىق. كوماندا قۇرامىنا وتە جاقسى ويىنشىلار جيناقتالعان. مەن «مولدە» تىزگىنىن ۇستاعان كەزەڭدە, رۋنار سيگۋرونسسوندى قاتارىمىزعا قوسقىم كەلگەن. سوندىقتان دا مەن بۇل ويىنشىنىمەن جاقسى تانىسپىن دەي الامىن.
- بارلىعى ەرتەڭ الاڭعا جاس ويىنشىلاردىڭ شىعاتىنىن ايتىپ جاتىر. بۇل بەلگىلى ءبىر دەڭگەيدە قارسىلاستى ەلەمەۋ دەۋگە بولا ما؟
- مۇلدە ولاي ەمەس. ەۋروپا ليگاسىنداعى كەزدەسۋلەردە جاس ويىنشىلارعا مۇمكىندىك بەرۋ, تاجىريبەلى فۋتبولشىلارمەن يىق تىرەستىرۋ كلۋبتىڭ ءداستۇرى دەسەم بولادى.
- ەرتەڭ جاس فۋتبولشىلاردىڭ الاڭعا شىعاتىنىن ەسكەرسەك, ولارعا قانداي تاپسىرما جۇكتەۋ جوسپارىڭىزدا بار؟
- ءبىز وسىعان دەيىن شىعىس ەۋروپانىڭ كوماندالارىنا قارسى ويىن وتكىزگەن ەدىك. «استاناعا» قارسى كەزدەسۋدە دە كوماندا بەلگىلى ءبىر دەڭگەيدە تاجىريبە جيناقتايتىندىعى انىق. ءبىز توپتىق كەزەڭنەن شىعۋ ءۇشىن ۇيدەگى ويىنداردى جەڭۋ وتە ماڭىزدى. سوندىقتان دا ەرتەڭ الاڭعا تەك جەڭىس ءۇشىن شىعامىز.
- كوماندانىڭ نەگىزگى قاقپاشىسى داۆيد دە حەيا ەرتەڭ نەگىزگى قۇرامدا الاڭعا شىعا ما؟
- داۆيد دە حەيا كلۋبپەن جاڭا كەلىسىمشارقا قول قويدى. وعان كلۋب تاراپىنان تولىق قولداۋ كورسەتۋ وتە ماڭىزدى بولدى. داۆيد ەگەر ەرتەڭ ويناۋعا دايىن بولسا, ونى الاڭنان كورسەك قۋانىشتى بولاتىنىمىز انىق.
