«Translogistica Kazakhstan 2019» حالىقارالىق كورمەسى اياسىندا قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ پەن ليتۆا رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ۆلاديسلاۆ كوندراتوۆيچتىڭ توراعالىعىمەن كولىك سالاسىنداعى ىنتىماقتاستىق جونىندەگى قازاقستان-ليتۆا جۇمىس توبىنىڭ ءىىى وتىرىسى ءوتتى.
وتىرىس بارىسىندا تەمىر جول, اۆتوموبيل, اۋە كولىكتەرى سالاسىنداعى ەكىجاقتى ىنتىماقتاستىقتىڭ كەڭ اۋقىمدى ماسەلەلەرى تالقىلاندى.
وتىرىس قورىتىندىسى بويىنشا تاراپتار 2019 جىلعا ارنالعان رۇقسات بلانكىلەرىنىڭ تۇپكىلىكتى كۆوتاسىن جانە 2020 جىلعا ارنالعان الدىن الا كۆوتانى بەكىتتى, جىلجىمالى قۇرامدى ليتۆاعا جەتكىزۋ مۇمكىندىگىن تالقىلادى, كونتەينەرلىك تاسىمالداۋدى دامىتۋ بويىنشا تىعىز ىسكەرلىك ىنتىماقتاستىقتى جۇزەگە اسىرۋعا جانە ليتۆا مەن قازاقستان اراسىندا تۇراقتى اۋە قاتىناسىن جۇزەگە اسىرۋ مۇمكىندىكتەرىن قاراۋدى جالعاستىرۋعا كەلىستى.
