ءىس-شاراعا ەقىۇ 57 مۇشە ەلدەرىنىڭ مەملەكەتتىك ورگاندارى مەن ۇكىمەتتىك ەمەس ۇيىمدار وكىلدەرى قاتارىنان ەكى مىڭعا جۋىق قاتىسۋشىلار قاتىسۋدا.
كەڭەس كۇن تارتىبىنە ەقىۇ كەڭىستىگىندە ادام قۇقىقتارى مەن فۋندامەنتالدىق بوستاندىقتار, سونىڭ ىشىندە پىكىرىن ەركىن ءبىلدىرۋ قۇقىعى, باق جانە اقپارات, ءدىني سەنىم بوستاندىعى, بەيبىت جينالىستار مەن بىرلەستىكتەر بوستاندىعى, قۇقىق ۇستەمدىلىگى, زورلىق-زومبىلىققا قارسى كۇرەس, كەمسىتپەۋ جانە ت.ب. ماسەلەلەردى ساقتاۋ ەنگىزىلدى.
قازاقستاندىق دەلەگاتسيا قۇرامىنا ءسىم, اقدم, ءىىم, بپ جانە وسك وكىلدەرى كىردى.
كەڭەس ەقىۇ ءىس-باسىنداعى توراعاسى, سلوۆاكيا سىرتقى ىستەر ءمينيسترى م.لايچاك, پولشا سىرتقى ىستەر ءمينيسترى يا.چاپۋتوۆيچ, ەقىۇ باس حاتشىسى ت.گرەمينگەر, سونداي-اق ەقىۇ پارلامەنتتىك اسسامبلەياسىنىڭ توراعاسى گ.تسەرەتەلي جانە ەقىۇ ينستيتۋت باسشىلارىمەن اشىلدى.
وتىرىستىڭ اشىلۋ سالتاناتىندا قازاقستان دەلەگاتسياسىنىڭ باسشىسى, قر ءسىم ەرەكشە تاپسىرمالار جونىندەگى ەلشىسى ۇسەن سۇلەيمەن ءسوز سويلەپ, قاتىسۋشىلاردى ناقتى ءىس-شارالاردى قامتيتىن, سونىڭ ىشىندە ادام قۇقىقتارى سالاسىنداعى جانە ازاماتتىق قوعامدى ءارى قاراي دامىتۋ جونىندەگى ماسەلەلەرگە كوڭىل بولىنگەن قر پرەزيدەنتىنىڭ قازاقستان حالقىنا جولداۋىن جۇزەگە اسىرۋ بويىنشا جالپىۇلتتىق ءىس-شارالار جوسپارى قابىلدانعانى جونىندە اقپاراتتاندىردى.
جوسپار اۋىر قىلمىستار بويىنشا قىلمىستىق زاڭنامانى كۇشەيتۋ, اكىمشىلىك ادىلەت ەنگىزۋ, شاعىن جانە ورتا بيزنەستى قولداۋ, الەۋمەتتىك ساياساتتى تۇزەتۋ, ءبىلىم بەرۋ ساپاسىن ارتتىرۋ, قازاقستاندىقتاردىڭ زەينەتاقى جيناقتارىن قولدانۋعا مۇمكىندىك بەرۋ جانە ت.ب. ماسەلەلەر جونىندەگى شارالاردى قاراستىراتىنى اتالىپ ءوتىلدى. سونىمەن قاتار, جوسپار جولداۋدا اتالعان باستامالاردى قارجىلاندىرۋعا, سونىڭ ىشىندە ءىىم رەفورمالاۋعا, پەداگوگتار مەن مادەنيەت جانە ونەر سالالارىنداعى قىزمەتكەرلەردىڭ جالاقى مولشەرىن ۇلعايتۋعا, بيزنەستى قولداۋ باعدارلامالارىن جۇزەگە اسىرۋعا, ينفراقۇرىلىمدى دامىتۋعا ت.ب. باستامالارعا قاراجات ءبولۋدى قامتيتىنى جەتكىزىلدى.
وتىرىستىڭ ءبىرىنشى كۇنى بارىسىندا قازاقستاندىق دەلەگاتسيا قازاقستاندىق ازاماتتىق سەكتور وكىلدەرىنىڭ قاتىسۋىمەن پىكىرتالاسقا قاتىستى.
