«111» cاll-ورتالىعىنا قوڭىراۋلار ەلىمىزدىڭ بارلىق وڭىرلەرىنەن كەلىپ تۇسۋدە. كۇنىنە ورتا ەسەپپەن 10 مىڭعا جۋىق قوڭىراۋلار قابىلدانادى, ولاردىڭ 5 مىڭعا جۋىعى بورىش جۇكتەمەسىن ازايتۋعا ارنالعان. «111» جەلىسىنە جۇكتەمەنىڭ كوبەيۋىنە بايلانىستى, وسى اكتسيانىڭ الەۋمەتتىك ماڭىزدىلىعىن ەسكەرە وتىرىپ, قوسىمشا رەسۋرستار تارتىلا باستادى. سوڭعى كۇندەرى جەلىدە 50-دەن 60-قا دەيىن وپەراتور جۇمىس ىستەۋدە», – دەدى «111» cاll-ورتالىعىنىڭ جەتەكشىسى اياش ماكەنوۆا.
Call-ورتالىعى قىزمەتكەرلەرىنىڭ ايتۋىنشا, ازاماتتار بورىش جۇكتەمەسىن ازايتۋ بويىنشا باعدارلاماعا قاتىسۋشىلاردىڭ تىزىمىندە بولماۋىنا, كرەديتتىڭ جالپى سوماسىنان قانشاسى ەسەپتەن شىعاتىنىن ناقتىلاۋعا قاتىستى سۇراقتار ءجيى قويىلادى.
«ادەتتە, ءبىرىنشى كەزەكتە ءبىزدىڭ ورتالىقتىڭ ماماندارى جۇگىنگەن ادامنىڭ مارتەبەسىن تەكسەرەدى. ونىڭ ناتيجەسى بويىنشا تىزىمدە جوق ازاماتتارعا مالىمەتتەرىن تسيفرلاۋدى ۇسىنامىز, سودان كەيىن مالىمەتتەر تىزىمگە ەنگىزىلەدى جانە ودان ءارى جۇمىس ىستەۋ ءۇشىن مينيسترلىككە بەرىلەدى», – دەپ ءتۇسىندىردى اياش ماكەنوۆا.
ەستەرىڭىزگە سالا كەتەيىك, قازاقستان رەسپۋبليكاسى پرەزيدەنتىنىڭ 2019 جىلعى 26 ماۋسىمداعى جارلىعىنا سايكەس, بانكتەردە جانە ميكروقارجى ۇيىمدارىندا كەپىلسىز تۇتىنۋشىلىق كرەديتتەرى بار 5 ساناتتاعى ازاماتتار ءۇشىن مەملەكەت نەگىزگى قارىزدى جانە ەسەپتەلگەن سىياقىنى جالپى سوماسى 300 مىڭ تەڭگەگە دەيىن بىرجولعى تولەممەن وتەيدى. قارىزى 300 مىڭ تەڭگەدەن اساتىندارعا 300 مىڭ تەڭگە كولەمىندە قارىزىنىڭ ءبىر بولىگى وتەلەدى. بۇل رەتتە, ولاردىڭ جالپى قارىزى اعىمداعى جىلعى 1 ماۋسىمداعى جاعداي بويىنشا 3 ميلليون تەڭگەدەن اسپاۋى ءتيىس.
بۇگىنگى كۇنى بورىش جۇكتەمەسىنىڭ ازايۋىنا ۇمىتكەر ازاماتتار وزدەرىنىڭ مارتەبەسىن كەلەسىدەي تەكسەرە الادى:
- قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ (بۇدان ءارى – قر ەڭبەكمينى) رەسمي ينتەرنەت-رەسۋرسىندا http://www.enbek.gov.kz/ru/node/363149 سىلتەمەسىندە, ول ءۇشىن جسن ەنگىزىپ, سۇراۋ جىبەرۋ قاجەت;
- ەلەكتروندىق ۇكىمەت پورتالىنىڭ باستى بەتىندە ورنالاسقان «بورىش جۇكتەمەسىن ازايتۋ باعدارلاماسىنا قاتىسۋ ءۇشىن مارتەبەنى تەكسەرۋ» ەلەكتروندىق سەرۆيسىنىڭ كومەگىمەن, ول ءۇشىن ەتسق قاجەت بولادى.
كونسۋلتاتسيانى «111» جانە «1411» call-ورتالىقتارىندا, حالىققا قىزمەت كورسەتۋ ورتالىقتارىندا, وبلىستاردىڭ, نۇر-سۇلتان, الماتى جانە شىمكەنت قالالارىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىندا, «مەملەكەتتىك الەۋمەتتىك ساقتاندىرۋ قورى» اق جانە ونىڭ فيليالدارىندا, وبلىستاردىڭ, نۇر-سۇلتان, الماتى جانە شىمكەنت قالالارىنىڭ ەڭبەك, الەۋمەتتىك قورعاۋ جانە كوشى-قون كوميتەتىنىڭ وڭىرلىك دەپارتامەنتتەرىندە الۋعا بولادى.
