قوعام • 17 قىركۇيەك، 2019

بيىل 2 ميلليوننان استام قازاقستاندىققا ااك تاعايىندالدى

39 رەتكورسەتىلدى

بۇگىنگى كۇنى اتاۋلى الەۋمەتتىك كومەك (بۇدان ءارى – ااك) 2 ملن 87 مىڭ 400 ادامعا (405 مىڭ 600 وتباسى) تاعايىندالدى، ونىڭ ىشىندە 1 ملن 302 مىڭ 500 بالا (ولاردىڭ ۇلەسى بارلىق الۋشىلاردىڭ 62،4% - ىن قۇرايدى). الۋشىلار قۇرامىنداعى كوپ بالالى وتباسىلار شامامەن 40% - دى قۇرايدى (161،6 مىڭ وتباسى نەمەسە 1 ملن 71،6 مىڭ ادام). بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىءنىڭ ءباسپاسوز قىزمەتى حابارلادى.

مينيسترلىكتىڭ حابارلاۋىنشا، ااك الۋشىلاردىڭ كوبى ەلىمىزدىڭ وڭتۇستىك وڭىرلەرىندە. وندا بارلىق الۋشىلاردىڭ 67%-دان استامى شوعىرلانعان، ونىڭ ىشىندە تۇركىستان وبلىسىندا – 96 مىڭ 800 وتباسى، الماتى وبلىسىندا – 53 مىڭ 600 وتباسى، شىمكەنت قالاسىندا – 51 مىڭ 600 وتباسى، جامبىل وبلىسىندا – 39 مىڭ وتباسى جانە قىزىلوردا وبلىسىندا – 31 مىڭ 700 وتباسى.

2019 جىلعى 16 قىركۇيەكتەگى جاعداي بويىنشا ااك-ءتى بەلسەندى الۋشىلارى 335 مىڭ 200-دەن استام وتباسى نەمەسە 1 ميلليون 733 مىڭ ادام، ونىڭ ىشىندە 1 ميلليون 487 مىڭى بالالار. بۇل رەتتە 69 مىڭ 700 وتباسىنا نەمەسە 351 مىڭ 200 ادامعا ااك تولەمدەرى اياقتالدى.

«2019 جىلى ااك تولەۋگە 204 ملرد 500 ملن تەڭگە كوزدەلگەن، ونىڭ 186 ملرد 100 ملن تەڭگەسى رەسپۋبليكالىق بيۋدجەتتەن جانە 18 ملرد 400 ملن تەڭگەسى جەرگىلىكتى بيۋدجەتتەن. 144 ملرد 300 ملن تەڭگە تولەندى»، دەدى الەۋمەتتىك كومەك ساياساتىن دامىتۋ دەپارتامەنتىنىڭ باسقارما باسشىسى اياجان جانعابىلوۆا.

بۇل رەتتە، ول بۇگىنگى تاڭدا ااك 523 مىڭ 400-دەن استام ەڭبەككە قابىلەتتى ازامات الىپ وتىرعانىن، ونىڭ 110 مىڭ 200-ءى نەمەسە 21%-ى جۇمىسپەن قامتۋعا جاردەمدەسۋدىڭ بەلسەندى شارالارىنا جاتاتىنىن اتاپ ءوتتى.

«بارلىعى 43 مىڭ 500 ادام نەمەسە ااك الۋشىلاردىڭ جالپى سانىنان 39،5%-ى جۇمىسقا ورنالاستىرىلدى. 13 مىڭ 400-دەن استام ادام جۇمىسپەن قامتۋدىڭ بەلسەندى شارالارىنا تارتىلعان. 89 مىڭعا جۋىق ەڭبەككە قابىلەتتى ادامدار جۇمىسپەن قامتۋ ورگاندارىمەن الەۋمەتتىك كەلىسىمشارتتار جاساستى»، دەپ تولىقتىردى جانعابىلوۆا.

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ۇقساس جاڭالىقتار