قوعام • 17 قىركۇيەك، 2019

بالا قۇقىعى – باستى نازاردا

22 رەتكورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتىندە مەكتەپتەر مەن مەكتەپكە دەيىنگى ءبىلىم بەرۋ مەكەمەلەرىندەگى بالا قاۋىپسىزدىگى جانە پروفيلاكتيكالىق شارالار بويىنشا ءباسپاسوز كونفەرەنتسياسى ءوتتى.

بۇل جيىن مەملەكەت باسشىسى قا­سىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراق­تىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا اي­تىلعان تاپسىرمالاردى ىسكە اسىرۋ ماق­ساتىندا ۇيىمداستىرىلعان. پرەزي­دەنت ۇندەۋىندە. «جىنىستىق زورلىق-زومبىلىق، پەدوفيليا، ەسىرتكى تاراتۋ، ادام ساۋداسى، ايەلدەرگە قاتىستى تۇر­مىستىق زورلىق-زومبىلىق جانە باسقا دا اۋىر قىلمىستارعا، اسىرەسە بالا­لارعا قاتىستى قىلمىستارعا قولدانى­لاتىن جازانى شۇعىل تۇردە قاتايتۋ قاجەت. بۇل ماسەلەنى شەشۋدى پارلا­مەنتكە جانە ۇكىمەتكە تاپسىرامىن»، دەگەن ەدى.

بريفينگتە ءسوز العان العاشقى سپيكەر، ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ ەلىمىزدەگى بالالاردىڭ ءومىرىن ساقتاۋ جانە پروفيلاكتيكالىق شارالاردى ۇيىمداستىرۋ اتالعان ۆەدومستۆونىڭ ماڭىزدى مىندەتىنە جاتاتىنىن اتاپ ءوتتى. ۆيتسە-مينيستر ءوز بايانداماسىندا بالالار مەن جاسوسپىرىمدەر اراسىنداعى قىلمىستىڭ تومەندەۋى بايقالاتىنىن، دەسە دە وسى ماسەلەگە قوعامنىڭ نازارىن اۋدارۋ ارقىلى ساقتانۋعا شاقىردى. «ناقتى دەرەكتەرگە سۇيەنسەك، سوڭعى 6 جىلدا جاسوسپىرىمدەر قىلمىسىنىڭ ورتاشا ەسەپپەن 6 پايىزعا تومەندەگەنى بايقالادى. ايتالىق، 2013 جىلى كامەلەتكە تولماعاندار 4 275، 2018 جىلى 2 939 قىلمىس جاساعان. ال 2019 جىلدىڭ 8 ايىندا قۇقىق بۇزۋ­شى­لىق 9 پايىزعا تومەندەدى. كامەلەتكە تول­ماعاندار جاساعان كىسى ءولتىرۋ – 62، دەن­ساۋ­لىققا اۋىر زيان كەلتىرۋ – 17، قاراقشىلىق – 41، ۇرلىق – 8، قورقىتىپ الۋشىلىق – 31 جانە بۇزاقىلىق 5 پايىزعا كەمىگەنى باي­قالادى. كامەلەتكە تولماعاندار جاساعان قىل­مىستاردىڭ 63 پايىزدان استامى مەك­تەپ وقۋشىلارىنا تيەسىلى»، دەيدى م.قوجاەۆ. ول مينيسترلىك تاراپىنان قول­عا الىنعان بىرقاتار شارا مەن جو­بانى تىلگە تيەك ەتە كەلە ۇكىمەت، قو­عام، ساقشىلار، اتا-انالار مەن ءبىلىم بەرۋ ۇيىمدارى كۇش بىرىكتىرگەندە عانا بالا­لاردىڭ قاۋىپ­سىزدىگى ساقتالاتىنىن جەتكىزدى.

ءبىلىم جانە عىلىم مينيسترلىگى جا­نىن­داعى بالالاردىڭ قۇقىعىن قورعاۋ كوميتەتى توراعاسىنىڭ مىندەتىن اتقا­رۋشى دۋلات جەكەباەۆ ءومىردىڭ قيىن جاعدايىنا تاپ بولعان بالالارعا الەۋ­مەتتىك، پسيحولوگيالىق كومەك كورسەتەتىن ورتالىقتاردىڭ قۇرىلعانىن جانە مۇن­داي ورتالىقتاردىڭ سانى قازىر رەسپۋب­ليكا بويىنشا 15-كە جەتكەنىن ايتتى. ال مەكتەپكە دەيىنگى ۇيىمداردا ستاندارتقا سايكەس بەينەباقىلاۋمەن قامتاماسىز ەتۋ تالابى ەنگىزىلگەنىن اتاپ ءوتتى. سپيكەردىڭ ايتۋىنشا، تاريبەلەۋ مەن ءبىلىم بەرۋ ۇيىمدارىنداعى الەۋمەتتىك پەداگوگتار، پسيحولوگتار، سونداي-اق بالا قۇقىعىن قورعاۋمەن اينالىساتىن مامانداردىڭ بىلىكتىلىگىن ارتتىرۋ جانە ولاردىڭ پەداگوگتارمەن بىردەي قولداۋعا يە بولۋ جاعدايى قاراستىرىلىپ جاتىر. ءبىلىم بەرۋ ۇيىمدارىندا اتا-انا كوميتەتى، اكەلەر كەڭەسى، مەدياتسيا قىزمەتى جۇمىس ىستەيدى.

 

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ۇقساس جاڭالىقتار