الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى حاتشىلىقتىڭ كەزەكتى وتىرىسىنا دايىندىق تۋرالى حاباردار ەتتى جانە ەلدەگى بەيبىتشىلىك پەن كونفەسسياارالىق كەلىسىمدى قالىپتاستىرۋدا يۋدەي ءدىنى مەملەكەتتىڭ ماڭىزدى سەرىكتەسى بولىپ تابىلاتىنىن اتاپ ءوتتى.
ە. كوگەن ۇلت كوشباسشىسى ن.ءا. نازارباەۆتىڭ حالىقارالىق دەڭگەيدە مويىندالعان استانا ءدىني فورۋمىن وتكىزۋ تۋرالى باستاماسىنىڭ ماڭىزدىلىعى مەن قازاقستاننىڭ دىنارالىق ۇنقاتىسۋدى ىلگەرىلەتۋگە قوسقان زور ۇلەسىن ايتا كەلىپ: «قازاقستان حالقى وسىنداي ۇلت كوشباسشىسىنا لايىق. قازاقستاندىق بەيبىتشىلىك پەن كەلىسىم ۇلگىسىنىڭ تەڭدەسى جوق. تۇراقتىلىقتى قامتاماسىز ەتۋ ءۇشىن بۇل ۇلگىنى ىلگەرىلەتۋ كەرەك», - دەدى.
اڭگىمە بارىسىندا قازاقستاننىڭ باس ءراۆۆينى سەنات توراعاسىنا كاببالە مەن حاسيدتىك ىلىمدەرى بويىنشا ەڭبەكتەردىڭ اۆتورى, قازاقستانعا جەر اۋدارىلعان لەۆي يتسحاك شنەەرسوننىڭ ءومىرى تۋرالى اڭگىمەلەپ بەردى. الماتىداعى ەۆرەي زيراتىندا جەرلەنگەن ل.شنەەرسوندى ەسكە الۋ ءۇشىن جىل سايىن بۇكىل الەمنەن يۋدەيلەر كەلەدى. قازاقستاننىڭ باس ءراۆۆينى ءمىناجات ەتۋشىلەر ءۇشىن قوناق ءۇي سالۋ جوسپاردا بار ەكەنىن حابارلادى.
داريعا نازارباەۆا ۇلتارالىق جانە كونفەسسياارالىق كەلىسىمنىڭ قازاقستاندىق ۇلگىسىن جوعارى باعالاعانى ءۇشىن العىس ايتىپ, بەيبىتشىلىك پەن تۇراقتىلىقتى ەڭ ۇلكەن قازىنا رەتىندە ساقتاۋ قاجەتتىگىن اتاپ ءوتتى. «قۇدايعا قىزمەت ەتەتىن ادامدارعا يمان نۇرى ءۇشىن كەلەتىندەرمەن ءدىن وكىلدەرى ءجيى سويلەسۋى قاجەت», - دەدى سەنات باسشىسى.
تاراپتار سونداي-اق جاھاندانۋدىڭ مادەنيەت پەن قۇندىلىقتارعا اسەرىن, الەمدىك جانە ءداستۇرلى دىندەر ليدەرلەرىنىڭ الداعى سەزىنە دايىندىعىن, قازاقستانداعى ەۆرەي دياسپوراسىنىڭ ءومىرىن تالقىلادى.
