سپورت • 16 قىركۇيەك، 2019

مەيرامبەك ايناعۇلوۆ پەن اسحات دىلمۇحامەدوۆ وليمپيادا جولداماسىن يەلەندى

61 رەتكورسەتىلدى

كۇرەس تۇرلەرىنەن نۇر-سۇلتاندا ءوتىپ جاتقان الەم چەمپيوناتىندا گرەك-ريم كۇرەسىنەن قازاقستان قورجىنىنا جولداما ءتۇستى دەپ حابارلايدى Olympic.kz.

60 كيلودا بەلدەسەتىن مەيرامبەك ايناعۇلوۆ الەم بىرىنشىلىگىنىڭ جارتىلاي فينالىنا جولداما الدى. ول شيرەك فينالدا حورۆاتيالىق يۆان ءليزاتوۆيچتى 10:0 ەسەبىمەن تازا جەڭدى. وسىلايشا، وتانداسىمىز قازاقستاندىق بالۋاندار اراسىنان العاش بولىپ توكيو وليمپياداسىنىڭ جولداماسىن جەڭىپ الدى.

كوماندا ۇزدىگى سانالاتىن مەيرامبەك ايناعۇلوۆ 1994 جىلى 17 اقپاندا اقتوبە وبلىسىندا دۇنيەگە كەلگەن. ول بۇعان دەيىن 2017 جىلعى الەم چەمپيوناتىنىڭ كۇمىس، ازيا چەمپيوناتىنىڭ ەكى دۇركىن قولا جانە ازيا ويىندارىنىڭ قولا جۇلدەسىن جەڭىپ العان بولاتىن.

سونداي-اق گرەك-ريم كۇرەسىنەن 77 كيلودا بەلدەسەتىن اسحات دىلمۇحامەدوۆ شيرەك فينالدا سەربيالىق بالۋان ۆيكتور نەمەشتى 4:3 ەسەبىمەن جەڭىپ، ءوز جەرىمىزدەگى الەم بىرىنشىلىگىنىڭ جارتىلاي فينالىنا ءوتتى.  گرەك-ريم كۇرەسىنىڭ ەرەجەسى بويىنشا ليتسەنزيالىق الەم چەمپيوناتىندا 1-دەن 6-ءشى ورىنعا دەيىنگى ارالىقتا ورىن العان بالۋاندار وليمپيادا جولداماسىنا يە بولادى. وسىلايشا، اسحات دىلمۇحامەدوۆ تە توكيو وليمپياداسىنىڭ ليتسەنزياسىنا قول جەتكىزدى.

 اسحات دىلمۇحامەدوۆ 1986 جىلى 26 شىلدەدە دۇنيەگە كەلگەن. حالىقارالىق دارەجەدەگى سپورت شەبەرى. ازيا چەمپيوناتىنىڭ جەڭىمپازى جانە بىرنەشە دۇركىن قولا جۇلدەگەرى. بۇگىن ىرىكتەۋ اينالىمىندا اسحات دىلمۇحامەدوۆ ەكى دۇركىن وليمپيادا چەمپيونى، ءتورت دۇركىن ەۋروپا چەمپيونى رومان ۆلاسوۆتى جەڭگەن بولاتىن.

 

فوتو: دانيار مايلىباەۆ

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار