سپورت • 16 قىركۇيەك، 2019

جەكپە-جەكتەن حالىقارالىق تۋرنير اياقتالدى

16 رەت كورسەتىلدى

ەلورداداعى «داۋلەت» سپورت كەشەنىندە قازاقستان رەسپۋبليكاسى ىشكى ىستەر ءمينيسترىنىڭ كۋبوگى ءۇشىن جەكپە-جەكتەن حالىقارالىق تۋرنير ءوز ءوتتى. بايراقتى دوداعا رەسەي، بىرىككەن اراب امىرلىكتەرى، ازەربايجان، قىرعىزستان جانە وزبەكستان ەلىنەن كەلگەن جەكپە-جەك سايىس شەبەرلەرى، سونداي-اق ەلىمىزدىڭ قارۋلى كۇشتەرى، باسقا دا كۇش قۇرىلىمدارىنىڭ 13 كومانداسى باق سىنادى. بوز كىلەمدە 140-تان استام جەكپە-جەك شەبەرلەرى توعىز سالماق دارەجەسى بويىنشا كۇش سىناستى.

ەكى كۇنگە سوزىلعان جارىس قورىتىندىسى بويىنشا رەسەي فەدەراتسياسى ۇلتتىق ۇلانىنىڭ كومانداسى قارسىلاستارىن قاپى قالدىرىپ، جەڭىسكە جەتتى. رەسەيلىكتەر وسىمەن ەكىنشى مارتە تۋرنير جەڭىمپازى اتانىپ وتىر. بۇعان دەيىن ولار 2017 جىلى چەمپيون بولعان ەدى. ەكىنشى ورىندى جالپىلاي ەسەپتە ەلىمىزدىڭ مەملەكەتتىك كۇزەت قىزمەتىنىڭ كومانداسى ەنشىلەسە، ءۇشىنشى ورىنعا ۇلتتىق ۇلاننىڭ قۇراماسى تۇراقتادى.

كوماندالىق ەسەپتەگى جەڭىمپازداردى قازاقستان رەسپۋبليكاسىنىڭ ىشكى ىستەر ءمينيسترى ەرلان تۋرگۋمباەۆ ماراپاتتادى.

– بۇگىن ءبىز ءتۋرنيردىڭ اقتىق كەزەڭىنىڭ كورەرمەندەرى بولدىق. ءبىز جارتىلاي فينال جانە اقتىق سىنداردى كوردىك. سپورتشىلار سايىستا جىگەر تانىتىپ، باتىلدىقتارى مەن قايسار مىنەزدەرىن كورسەتتى. ىشكى ىستەر مينيسترلىگىنىڭ جانە ءوز اتىمنان رۋحتىڭ كۇشىمەن، جاقسى دەنە دايىندىعىنىڭ ارقاسىندا جەڭىسكە جەتكەن بارلىق سپورتشىلاردى بۇل جەتىستىكتەرىمەن قۇتتىقتايمىن، دەدى ەرلان تۋرگۋمباەۆ.

جەكپە-جەك ۇرىسىنان حالىقارالىق فەدەراتسياسىنىڭ پرەزيدەنتى سەرگەي استاحوۆ قازاقستاندا ۇيىمداستىرىلاتىن اتالمىش ءتۋرنيردىڭ دەڭگەيى جوعارى ەكەنىن ايتىپ ءوتتى. سونداي-اق بولاشاقتا وسى تۋرنير نەگىزىندە الەم چەمپيوناتىنا ىرىكتەۋ كەزەڭىن ۇيىمداستىرۋ جوسپارى بارىن ءسوز ەتتى.

جەكەلەي سالماق دارەجەسى بويىنشا كەلەسى سپورتشىلار جەڭىسكە جەتتى: 55 كيلودا – قورعانىس مينيسترلىگىنەن قازبەك ساعىن، 60 كيلودا – ۇلتتىق ۇلان جاۋىنگەرى الكەن تولەگەنوۆ، 65 كيلودا – رف روسگۆاردياسىنىڭ جاۋىنگەرى دميتري كازىگاشەۆ، 70 كيلودا – وزبەكستاندىق سپورتشى شاحرۋدين ابدۋراحمانوۆ، 75 كيلودا رەسەيلىك الەكساندر ماتمۋراتوۆقا قارسىلاس شاق كەلمەدى. رەسەيلىكتەر 80، 85، 90 جانە 90-نان جوعارى سالماق دارەجەلەرىندە دە بارلىعىنان باسىم ءتۇستى. نۋرمۋحامەد بەسلانەەۆ، دجامال يبراگيمگادجيەۆ، رومان كوپىلوۆ جانە ساليمگەرەي راسۋلوۆ جەڭىمپازدار اتاندى.
جەڭىمپازدار باعالى سىيلىقتار جانە ديپلومدارمەن ماراپاتتالدى. روسگۆارديانىڭ وكىلى ساليمگەرەي راسۋلوۆ «ۇزدىك تەحنيكاسى ءۇشىن» نوميناتسياسىندا جەڭىمپاز اتانسا، وزبەكستاندىق اديلجون سيروجيددينوۆ قارسىلاستى جىلدام جەڭگەنى ءۇشىن ماراپاتتالدى.

 

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار