بۇل رەتتە جاراقاتتانۋدىڭ ءوسۋى وتكەن جىلدىڭ سايكەس كەزەڭىمەن سالىستىرعاندا جامبىل, اقتوبە, اقمولا, الماتى وبلىستارىندا, سونداي-اق الماتى قالاسىندا بايقالادى. پاۆلودار وبلىسىندا ءولىم-ءجىتىم جاعدايلارىنىڭ سانى ارتتى.
2019 جىلدىڭ ءبىرىنشى جارتى جىلدىعىنىڭ قورىتىندىسى بويىنشا ەكونوميكا سالالارى بويىنشا زارداپ شەككەندەردىڭ ەڭ كوبى تاۋ-كەن مەتاللۋرگيا كەشەنى كاسىپورىندارىندا بايقالادى – 96 ادام نەمەسە 15% جانە قۇرىلىس سالاسىندا – 65 ادام نەمەسە 10%.
كەيبىر كاسىپورىنداردا ەكى جانە ودان دا كوپ جازاتايىم وقيعالارى بولعاندىعىن ايتا كەتۋ كەرەك: («ارسەلورميتتال تەمىرتاۋ» اق – 20, «قازاقمىس كورپوراتسياسى» جشس – 11 (قاراعاندى وبلىسى), «كازتسينك» جشس – 15, «شىعىستۇستىمەت» جشس – 6 (شقو), «ەكىباستۇز گرەس-1» جشس – 3, «اليۋميني كازاحستانا» اق – 2 (پاۆلودار وبلىسى), «سسكوب» اق - 4, «بايان سۇلۋ» اق - 2 (قوستاناي وبلىسى).
«جازاتايىم وقيعالاردىڭ نەگىزگى سەبەپتەرى: جۇمىس ءوندىرىسىن قاناعاتتانعىسىز ۇيىمداستىرۋ, قاۋىپسىز ەڭبەك تاسىلدەرىن وقىتۋداعى كەمشىلىكتەر, ەڭبەك قاۋىپسىزدىگى جانە ەڭبەكتى قورعاۋ ەرەجەلەرىن بۇزۋ. 2019 جىلى 23 مامىردا «استانا سۋ ارناسى» مكك 4 قىزمەتكەرى مەتانمەن ۋلانىپ, قايتىس بولدى. ال 12 ماۋسىم كۇنى شىعىس قازاقستان وبلىسى زايسان اۋدانىنىڭ ورتالىعىندا ەكى مەتر تەرەڭدىكتە كاناليزاتسيالىق قۇدىققا تازالاۋ جۇمىستارىن جۇرگىزۋ كەزىندە «زايسان» كمگپ-ءنىڭ ءۇش قىزمەتكەرى جازاتايىم وقيعاعا ۇرىندى (مەتانمەن ۋلانعان), ونىڭ بىرەۋى قايتىس بولدى, ال ەكەۋى اۋداندىق اۋرۋحاناعا جاتقىزىلدى. بۇل كاسىپورىنداردىڭ باسشىلارى وڭىرلىك ۇشجاقتى كوميسسيالاردىڭ وتىرىستارىندا تىڭدالىپ, جاراقاتتانۋعا جول بەرمەۋ بويىنشا جەكە ءىس-شارالار جوسپارىن ازىرلەدى», - دەپ حابارلادى قازاقستان رەسپۋبليكاسىنىڭ باس مەملەكەتتىك ەڭبەك ينسپەكتورى تولەگەن وسپانقۇلوۆ.
ونىڭ ايتۋىنشا, قازاقستاندا زياندى ەڭبەك جاعدايلارى بار جۇمىس ورىندارىنىڭ سانىن ازايتۋ ماسەلەسى وزەكتى بولىپ وتىر.
«ستاتيستيكا جونىندەگى ۋاكىلەتتى ورگاننىڭ دەرەكتەرى بويىنشا, 2018 جىلى ەڭبەك جاعدايلارى بويىنشا تەكسەرىلگەن كاسىپورىنداردىڭ 1,6 ملن قىزمەتكەرىنىڭ 373 مىڭى نەمەسە ءاربىر ءتورتىنشىسى (22,3%) زياندى جانە قاۋىپتى ەڭبەك جاعدايلارىندا جۇمىس ىستەگەن. 2018 جىلعى اتتەستاتتاۋ ناتيجەلەرى بويىنشا 676 مىڭ قىزمەتكەر زياندى ەڭبەك جاعدايىنداعى جۇمىسى ءۇشىن ءار ءتۇرلى وتەماقى الدى. بۇل ءۇشىن جۇمىس بەرۋشىلەرگە 116,3 ملرد تەڭگە ءبولىندى, بۇل - 2017 جىلمەن سالىستىرعاندا 8%-عا كوپ », – دەدى ت.وسپانقۇلوۆ.
2018 جىلدىڭ قورتىندىسى بويىنشا تەحنيكالىق ينسپەكتورلار ەڭبەك جاعدايىنا 70 735 تەكسەرۋ جۇرگىزدى, ونىڭ بارىسىندا 126 737 ەسكەرتۋ انىقتالدى جانە جويىلدى. رەسپۋبليكا كاسىپورىندارىندا 14 792 وندىرىستىك كەڭەس قۇرىلىپ, جۇمىس ىستەپ جاتىر.
جالپى, مەملەكەتتىك ورگاندار مەن جۇمىس بەرۋشىلەر تاراپىنان قابىلدانعان ەڭبەكتى قورعاۋ سالاسىنداعى كەشەندى شارالار وندىرىستىك جاراقاتتانۋدى تومەندەتۋ بويىنشا وڭ ديناميكانى ساقتاۋعا مۇمكىندىك بەردى.
