ستۋدەنتتەر الدىندا سويلەگەن ۆيتسە-پرەمەر ەلباسى تاۋەلسىزدىكتىڭ العاشقى كۇندەرىنەن باستاپ قازاقستاندىقتاردىڭ ءبىلىمدى ۇلت بولۋى مىندەتىن قويعانىن اتاپ ءوتتى.
«سىزدەرگە الەمدىك ستاندارتتارعا ساي جاڭا ءىت ۋنيۆەرسيتەتىنىڭ العاشقى ستۋدەنتتەرى بولۋ بۇيىردى. ومىردە بارلىعى تەك وزىڭىزگە بايلانىستى. ءاربىر ازامات ءوز ەلىنە لايىقتى تۇرعىن بولۋ ءۇشىن ۋاقىت تالاپتارىنان قالماي, وتانىمىزدىڭ دامۋىنا ۇلەس قوسۋى كەرەك», - دەدى ب. ساپارباەۆ.
ۋنيۆەرسيتەت قۇرىلىسى 10 ايعا سوزىلدى. وقۋ ورنى اشىق كەڭسەلەرگە ۇقسايدى. وقۋ ورنىندا بارلىعى 680 بولمە, ونىڭ ىشىندە 140 اۋديتوريا بار. سونداي-اق ترەناجەر جانە سپورت زالدارى, كوۆوركينگ-ايماق, تاقىرىپتىق كابينەتتەر مەن كىتاپحانا بار. ءتورت جىلدىق باعدارلامانى ستۋدەنتتەر 3 جىل ىشىندە وتەدى. ۋنيۆەرسيتەت اقپاراتتىق تەحنولوگيالاردى وقىتۋدا فلاگمان بولۋى ءتيىس. قالا اكىمى ا. كولگىنوۆ مۇنداي ۋنيۆەرسيتەت ەلوردادا العاش رەت اشىلعانىن اتاپ ءوتتى.
«IT سالاسىنىڭ قىر-سىرىمەن تانىسىپ,ءجىتى ءبىلىم الۋ ءۇشىن ەلىمىزدىڭ كوپتەگەن وڭىرلەرىنەن بالالار كەلدى. تسيفرلاندىرۋ مەن جاھانداندىرۋ عاسىرىندا ءبىز تەك ءبىلىمنىڭ ارقاسىندا عانا العا جىلجي الامىز. وسى باعىتتى العا جىلجىتۋ ءۇشىن ەلوردادا كيبەرسپورت بويىنشا چەمپيونات ۇيىمداستىرۋدى جوسپارلاپ وتىرمىز. «Astana Innovations», «استانا» اكك, «iKomek» كەڭسەلەرى بولاتىن ساياباقتى اشۋدى جوسپارلاپ وتىرمىز - ءسىز تاجىريبە الا الاسىز, جۇمىسقا ورنالاسا الاسىز. ۋنيۆەرسيتەت لوگيستيكاسى وتە ىڭعايلى. قاسىندا ءوز پاركى, اۋەجاي, مەگا سوو بار. ەڭ باستىسى-وقۋ», - دەدى ا. كولگىنوۆ.
Astana IT University قۇرىلتايشىسى «نۇرسۇلتان نازارباەۆتىڭ ءبىلىم قورى» قق بولىپ تابىلادى. قور ديرەكتورى دينارا ق ۇلىباەۆانىڭ ايتۋىنشا, قۇرىلعان ۋنيۆەرسيتەت-ءتيىمدى مەملەكەتتىك-جەكە مەنشىك ارىپتەستىكتىڭ جارقىن ۇلگىسى.
«اقپاراتتىق تەحنولوگيالار تەك دەرەكتەردى جاساۋ جانە وڭدەۋ عانا ەمەس. بۇل كوپتەگەن ءوزارا بايلانىسقان عىلىمي جانە تەحنيكالىق سالالار. ءدال وسى جەردە IT سالاسىنداعى ءارتۇرلى ستارتاپ جوبالار جۇزەگە اسىرىلاتىن بولادى دەپ سەنەمىن», - دەدى د. ق ۇلىباەۆا.
كەلەسى جىلى وقۋشىلار سانى 2 مىڭنان ءسال ارتىق بولادى دەپ جوسپارلانۋدا. ونىڭ 1700 - ءى-گرانتتىق ورىندار بولادى.
