ونىڭ تۇسىندىرۋىنشە, حالىقارالىق قۇقىق پەن ۇلتتىق قۇقىقتىڭ اراقاتىناسى ۇستەمدىك پەن باعىنىشتىلىققا ەمەس, ءوزارا ارەكەتتەسۋ, تولىقتىرۋ جانە ۇيلەستىرۋ قاعيداتتارىنا نەگىزدەلەدى. وسىعان وراي, ۇسىنىلىپ وتىرعان كونستيتۋتسيا جوباسىندا حالىقارالىق شارتتارعا قاتىستى نەگىزگى ەرەجەلەر كوزدەلدى.
«وسىلايشا, 5-باپتىڭ 1-تارماعى تۋرالى قىسقاشا تۇجىرىمداپ ايتسام, قازاقستان رەسپۋبليكاسى حالىقارالىق مىندەتتەمەلەردەن باس تارتپايدى, كەرىسىنشە ونى قولدانىلاتىن قۇقىقتىڭ, ياعني قوعامدىق قاتىناستاردى رەتتەيتىن ماڭىزدى قۇرامداس بولىگى رەتىندە مويىندايدى», دەپ ناقتىلاپ ءوتتى دەپۋتات.
ەلۆيرا ازيموۆا: كونستيتۋتسيا ستراتەگيالىق قاعيداتتاردى بەكىتەدى
ياعني, اتا زاڭ جوباسىندا حالىقارالىق شارتتاردىڭ ەل اۋماعىندا قولدانۋ مەحانيزمى – زاڭدارمەن بەلگىلەنەتىنى قاراستىرىلعان. بۇل تۇرعىدا كوزدىڭ قاراشىعىنداي قورعالاتىن ۇلتتىق مەملەكەتتىك ەگەمەندىكتى تىكەلەي نەمەسە جاناما تۇردە شەكتەۋگە نە السىرەتۋگە جول بەرمەۋ – نەگىزگى مىندەتتەردىڭ ءبىرى.
«ياعني, ءبىز حالىقارالىق مىندەتتەمەلەردى قولدانىستاعى قۇقىقتىڭ بولىگى رەتىندە تانيمىز, ولاردى زاڭ تالاپتارىنا سايكەس قولدانامىز جانە ولاردى جاريالايمىز, ويتكەنى ولار قوعامدىق قاتىناستار سۋبەكتىلەرى ءۇشىن مىندەتتى ءجۇرىس-تۇرىس ەرەجەلەرىن بەلگىلەيدى», دەپ ءتۇسىندىردى زاڭگەر.
