كوميسسيا مۇشەسى وتىرىستار اراسىنداعى ۇزىلىستە الەۋمەتتىك جەلىدە قازاقستاننىڭ جاڭا كونستيتۋتسياسى جوباسى تۋرالى شىندىققا جاناسپايتىن اقپارات مەن بارىپ تۇرعان فەيكتەردىڭ كوپتىگىن بايقاعان.
«كەيبىر ازاماتتار كوميسسيانىڭ جۇمىسى تۋرالى سول كوميسسيانىڭ وتىرىستارىنا قاتىسىپ جۇرگەن مەنەن دە كوبىرەك «بىلەتىندەي» كورىنەدى», دەيدى ساياساتتانۋشى.
ونىڭ ايتۋىنشا, كەز كەلگەن ادام وقىپ, تانىسۋى ءۇشىن قۇجات كوپشىلىكتىڭ نازارىنا ۇسىنىلىپ, اشىق تۇردە جاريالانعاننان كەيىن دە اقپاراتتى ادەيى بۇرمالاۋ توقتاماعان.
«مەنىڭ ويىمشا, بۇل ەندى ويىن ەمەس, تانىمال بولۋعا ۇمتىلىس تا ەمەس, ناعىز قاساقانا پيعىل», دەپ اتاپ ءوتتى مارات شيبۇتوۆ.
سپيكەر «جاڭا كونستيتۋتسيا جوباسى ساياسي مونوپولياعا اكەپ سوعادى» دەگەن جاڭساق پىكىردى جوققا شىعاردى. سەبەبى قۇجاتتا مۇنداي مۇمكىندىككە جول بەرمەيتىن جاڭا وكىلدى ينستيتۋت, ياعني حالىق كەڭەسىن قۇرۋ كوزدەلگەن.
جاڭا كونستيتۋتسيادا قازاق ءتىلىنىڭ مارتەبەسى قالاي بەكىتىلمەك؟
ساياساتتانۋشى بۇل ماسەلەنى دە ناقتى تارقاتىپ بەردى. قازىر قازاقستان رەسپۋبليكاسىنىڭ سەناتى 40 ءماسليحات وكىلىنەن, پرەزيدەنت كۆوتاسى بويىنشا 5 ادامنان جانە قازاقستان حالقى اسسامبلەياسىنىڭ 5 وكىلىنەن قۇرالعان.
ال حالىق كەڭەسىنە ءماسليحات وكىلدەرىنەن بولەك, قوعامدىق كەڭەستەردىڭ مۇشەلەرى دە ەنگىزىلەدى, قحا وكىلدەرىنىڭ سانى 5-تەن 42-گە كوبەيتىلىپ, قوعامدىق ۇيىمداردان – 42 ادام قوسىلادى. وسىلايشا, جاڭا ساياسي ينستيتۋتتاعى ازاماتتىق وكىلدىك قازاقستان تاريحىنداعى ەڭ اۋقىمدى دەڭگەيگە جەتكىزىلمەك.
«حالىق كەڭەسى كوپتەگەن ادامدار ءۇشىن ساياساتقا كەلۋ شەگىن ايتارلىقتاي تومەندەتەدى, بۇرىن-سوڭدى مۇنداي مۇمكىندىك بولماعان. بۇل وتە ماڭىزدى», دەدى مارات شيبۇتوۆ.
سونىمەن بىرگە ول كوميسسيانىڭ «جابىقتىعى» مەن «دۇرىس ەمەس قۇرامى» جونىندەگى ايىپتاۋلارعا دا جاۋاپ بەردى.
«تىكەلەي ەفيرلەردى ەسكەرسەك – ءبىرىنشى ايىپتاۋ كۇلكىنى كەلتىرەدى. مۇندا ءبىزدى بارلىق تاراپتان كامەرالار ءتۇسىرىپ تۇر», دەپ اتاپ ءوتتى ساياساتتانۋشى.
سونداي-اق سپيكەر كوميسسيا قۇرامىنداعى 130 ادامنىڭ 44-ءى – قوعامدىق ۇيىمدار, قوعامدىق كەڭەستەر, باق, ءبىلىم سالاسى جانە عىلىمي ۇيىمداردىڭ وكىلدەرىنەن قۇرالعانىن جەتكىزدى.
«مەنىڭشە, مۇندا پىكىرلەردىڭ بارلىعى ەسكەرىلگەن», دەدى مارات شيبۇتوۆ.
بايانداماسىنىڭ نەگىزگى تاقىرىبىنا كوشە وتىرىپ, ساياساتتانۋشى پرەزيدەنت پەن قۇرىلتاي اراسىنداعى كادرلىق وكىلەتتىكتەردى ءبولۋ ماسەلەسىنە دە توقتالدى.
ازات پەرۋاشەۆ: كونستيتۋتسيالىق رەفورما بيلىك جۇيەسىندەگى تەڭگەرىمدى كۇشەيتەدى
ونىڭ ايتۋىنشا, جاڭا كونستيتۋتسيا جوباسىنا سايكەس, قۇرىلتاي مىناداي تۇلعالاردى تاعايىنداۋعا نەمەسە كەلىسىمىن بەرۋگە قۇقىلى: پرەمەر-مينيستر, ۆيتسە-پرەزيدەنت, كونستيتۋتسيالىق سوتتىڭ 10 سۋدياسى, ورتالىق سايلاۋ كوميسسياسىنىڭ 6 مۇشەسى, جوعارعى اۋديتورلىق پالاتانىڭ 8 مۇشەسى جانە جوعارعى سوتتىڭ بارلىق سۋديالارى.
وسىلايشا پرەزيدەنت ورتالىق سايلاۋ كوميسسياسىنىڭ 2 مۇشەسىن, جوعارعى اۋديتورلىق پالاتانىڭ 2 مۇشەسىن جانە كونستيتۋتسيالىق سوتتىڭ 4 سۋدياسىن ەندى تاعايىندامايتىن بولادى.
سونىمەن بىرگە مەملەكەت باسشىسىنىڭ كونستيتۋتسيالىق ورگانداردىڭ جەتەكشىلەرىن – كونستيتۋتسيالىق سوتتىڭ, جوعارعى سوتتىڭ, ورتالىق سايلاۋ كوميسسياسىنىڭ جانە جوعارعى اۋديتورلىق پالاتانىڭ توراعالارىن, ادام قۇقىقتارى جونىندەگى ۋاكىلدى, سونداي-اق وعان باعىنىشتى نەمەسە ەسەپ بەرەتىن ورگانداردىڭ باسشىلارىن تاعايىنداۋ قۇقىعى ساقتالادى.
«مۇنداي جۇيە پرەزيدەنت پەن قۇرىلتاي اراسىنداعى ساياسي ينستيتۋتتار رەتىندەگى تەپە-تەڭدىكتى ساقتاۋعا مۇمكىندىك بەرەدى», دەپ اتاپ ءوتتى مارات شيبۇتوۆ.
